"Olimpik" jamoasi boshqa klublarga o'tayotgan futbolchilarini ortga qaytarmoqda

Oxirgi paytlarda aynan shu jamoa azolari xaridorgir bo'lib qolgandi.

Ammo, "Olimpik" klubi rahbariyati olimpiya terma jamoamizni oldinda jiddiy musobaqa kutib turgani bois boshqa jamoalarga qo'yib yuborilishi kutilgan futbolchilarini ortga qaytarishga qaror qilgan. OTJ Timur Kapadze boshchiligida ketma-ket yig'inlar o'tkazadi va futbolchilar yangi klubga o'tgan taqdirda ham kamida yozgacha jamoasiga yordam berolmasligi mumkin. SHularni inobatga olgan holda o'yinchilar kamida yozgacha "Olimpik"da qolishi kutilmoqda. O'tgan yili o'ynaganlardan Jasur Jaloliddinov "Neftchi"ga o'tdi, Temur Mamasiddiqov esa "Lokomotiv"ga qo'yib yuborildi.

Abdurauf Bo'riev, Ibrohim Ibragimov, Otabek Jo'raqo'ziev va yana bazi o'yinchilarning ehtimoliy transferi hozircha to'xtatildi. SHu kunlarda "Navbahor" bilan Turkiyada yig'inda ishtirok etayotgan Alisher Odilov hamda Saidazamat Mirsaidov tez orada "Olimpik" ixtiyoriga qaytib kelishadi.

SHuni qo'shimcha qilishimiz kerak-ki, mabodo "Olimpik"ning boshqa klublar bilan kelishib bo'lgan va shartnomaga imzo qo'yish arafasida bo'lgan futbolchilariga bunga ruhsat berilgan taqdirda ham ular kamida yarim mavsumga ijara asosida ortga qaytishi mumkin.