Akmal Xolmatov: "Ronaldu yoki Messi divanda yotib yulduz bo'lib qolmagan. Bizning futbolchilar ustida ishlasa, ulardan zo'ri yo'q"

Hozirda bolalar futbolida faoliyat olib borayotgan Akmal Xolmatov Osiyo Kubogiga yo'lgan olgan tarkib va futbolchilar haqida fikrlarini bildirdi. 

"Osiyo Kubogiga tarkibni murabbiy tanlagan. Demak, eng yaxshi futbolchilarni jalb qilgan. Futbolchilarning holatini, ruhiyatini murabbiy yaqindan biladi. Bizning futbolchilar hech kimdan kam emas. Abbosni qarang, CSKA jamoasini sevimli futbolchisiga aylanib bo'ldi. Abduqodir Husanov Franciyada o'ynayapti. Bu O'zbekiston uchun zo'r. Bundan bilish mumkinki, bizda futbolchilar bor. Yana chiqadi. Faqat dangasalik qilmasdan ishlash kerak. Ronaldu yoki Messi divanda yotib yulduz bo'lib qolmagan. Haliyam tinmay o'z ustida ishlayapti. Bizning futbolchilar o'z ustida ishlasa, ulardan zo'ri yo'q. Asosiy muammoimiz dangasalikda",- deydi Akmal Xolmatov.

Batafsil intervyuni tez orada etiboringizga havola qilamiz. Bizni kuzatishda davom eting.