1-sabab
Asosiy tarkib va SHomurodovning yo'qligi
Suriya terma jamoasi qarshi kechgan uchrashuvda SHomurodov yo'qligi yaqqol sezildi. SHomurodov kabi tezkor va ochiq zonalarni qidiruvchi futbolchining yo'qligi hujumdagi samardorlikga salbiy tasir o'tkazdi. Katanec Urunovni hujumchi sifatida o'ynatish qarori o'zini oqlamadi. Oston nimaga qodir ekanligini barchamiz yaxshi bilamiz va uni o'z poziciyasiga qaytarish eng to'g'ri qaror bo'ladi. SHuningdek kecha hujum chizig'idagi futbolchilarimiz ko'proq individual mahoratga tayanib qolishdi va shu holat ham bizning foydamizga ishlamadi. Masharipov to'pni o'zida ko'proq ushlab yubordi va aynan shu vaziyatda suriyalik himoyachilar o'z poziciyalariga qaytib olishga ulgurishdi. Biroq Masharipov va Sayfiev qanot juda aktiv bo'ldi, ayniqsa birinchi bo'limda. Sayfievni ko'pchilik tanqid qilmoqda, ammo u ko'p mehnat qildi va barcha vaziyatlarda birdek samarali va foydali o'ynash ilojsiz
2-sabab
O'zgarishlar
Ikkinchi taymda boshlanishidan avval o'ng qanotdagi ikkita "xoji"lar zaxiraga olindi. Alijonovning zaxiraga olinganining sababi aniqlanmadi. Erkinov esa birinchi taymda hujumda ancha faol bo'ldi, ammo Fayzullaevga ham o'yin vaqti berish kerakligi sababli Erkinov zaxiraga olindi. Abbosni ko'pchilik asosiy tarkibda kutgandi, ammo u o'yini zaxirada boshladi, ko'pchilikning fikriga ko'ra Fayzullaev asosiy tarkibdan joy olish kerak. Igor Sergeev esa juda kech o'yinga qo'shildi. SHunga qaramay Sergeev juda samarali o'ynadi va u maydonga tushganidan so'ng raqib darvoza maydonchasiga oshirilgan paslar soni keskin ko'paydi. Sergeev ikkinchi qavatda yaxshi o'ynashini bilamiz va u bir vaziyatda boshi bilan yaxshi zarba berdi, ammo kechagi uchrashuvning eng yaxshi futbolchisi deya tan olingan Suriya darvozaboni zarbani bartaraf etdi. Keyingi uchrashuvda Ostonni qanotga va Sergeevni hujumga qo'ysak, terma jamoamiz tashkil etayotgan hujumlar samaradorligi keskin o'sishiga ishonaman.
3-sabab
Bir xil uslub
Terma jamoamiz ko'proq hujumkor uslubda o'ynaydigan jamoalarga qarshi o'zini qulay his qiladi. Suriya esa bunday jamoa emas, ular ham biz kabi ikkinchi raqam va tartibli himoya tarafdori. Ikki jamoa ham hujumkor o'ynashga intilmaydi. SHu sabab kechagi o'yinimizda tushunarsiz va nursiz bo'ldi.
4-sabab
Raqibning tartibli o'yini
Terma jamoamiz liderdlaridan biri Otabev SHukurov uchrashuvdan yakunlanganidan so'ng aytib o'tganidek "Biz Suriyani har qanday holat va tarkib bilan mag'lub etishimiz kerak", ammo tan olish kerakki Suriya terma jamoasi juda tartibli himoyalandi va deyarli xato qilmadi. Terma jamoamiz butun o'yin davomida bor yo'g'i ikki marotaba darvozaga aniq zarba berishdi, aniq yo'llangan yana 3ta zarbamiz suriyalik himoyachilar tomonidan muvaffaqiyatli "blok" qilindi.
5-sabab
Individual mahoratga tayanish
Kechagi uchrashuv ko'p jihatlar va hujumlarimiz futbolchilarning individual mahoratiga tayanildi. Tarkibimizda kreativ futbolchilarning ko'pligi bu albatta yaxshi holat, ammo kreativlik har doim ham stabil o'yin kafolati emas. Qaysidir futbolchi bir uchrashuvga kuchliroq o'ynab borishi yoki aksincha o'yini qovushmasligi ham mumkin. SHu sabab jamoaviy o'yinni kuchaytirish kerak. Srechko Katanec esa kecha ushbu muammoni tan oldi umid qilamizki u ushbu masalani tez orada bartaraf etadi
Xulosa: Katanec kecha o'ziga o'zi muammo yaratdi. Katanec o'ylagan "eksperiment" o'xshamadi. Ha, Suriya ham yaxshi himoyalandi, ammo ular "ideal" o'yin o'tkazishmadi. Bunga dalil, biz yaratgan bir nechta xavfli vaziyatlar. Terma jamoamiz bundan yaxshiroq o'ynay olishi aniq va Hindistonga qarshi uchrashuvda umuman boshqa jamoani ko'rishimizga umid qilaman. Olg'a, O'zbekiston
Bosh sahifaga
87