Alirizo Jahonbaxsh: "Osiyo kubogi Eron uchun doim muhim bo'lgan. Bu galgi musobaqadan ko'p narsa kutyapmiz"

- Osiyo kubogi haqida nimalar deya olasan. Eron terma jamoasining ushbu musobaqadagi maqsadi qanday?

- Bu galgi musobaqadan ko'p narsa kutyapmiz. Osiyo kubogi Eron mamlakati uchun har doim eng muhim turnirlardan bo'lgan. Doim eng yuqori natijani ko'zlaganmiz. Bizdagi kuchli futbolchilar va hozirgi avloddan kelib chiqib, katta natijalarni maqsad qilganmiz. Musobaqa startidan oldin turnirni yaxshi boshlashimiz shart ekanini bilardik. Bugun ajoyib harakat qildik, deb o'ylayman. Osiyo kubogi hali uzoq davom etadi, ko'p o'yinlar hali oldinda. Bizda etarli tajriba va sifatga egamiz. Buyog'iga o'yinlar qiyinlashib ketaveradi. Ko'p narsani orzu qilyapmiz. Umid qilamanki, o'ylagan natijamizga erishamiz. 

- 2019 yilgi Osiyo kubogi Eron uchun biroz omadsiz yakunlangan. Bu safar Eron o'sha xatolarni to'g'irlab, musobaqa chempioni bo'lishiga qanchalik ishonasan?

- Ha, o'sha musobaqada biz omadsizlikka uchragandik. Yarim finalda Yaponiyaga imkoniyat boy berilgani esimda. Bu musobaqada ham avvalgidek ishtiyoqdamiz va katta maqsadlarni ko'zlaganmiz. Birinchi o'yin har doim qiyin, ammo biz o'yindan o'yinga yaxshiroq harakat qilishga intilamiz. Osiyo kubogida uzoqroqqa borishga harakat qilamiz. Terma jamoaning hozirgi avlodida katta umidlar bor. Biz bu orzular ushalishiga ishonamiz.