Eron terma jamoasi vingeri Alirizo Jahonbaxsh kecha bo'lib o'tgan Falastin terma jamoasi (4:1)ga qarshi o'yindan so'ng Championat.Asia'ga intervyu berdi. Intervyuni bu erda o'qishingiz mumkin, Alirizo esa biroz oldin saytimiz rahbari Gayrat Xasbiullin bilan gaplashdi. Ular yaxshi tanish va do'stona ruhda suhbatlashishdi.
A.J.: Salom, sizni ko'rishdan mamnunman. Ishlaringiz qanday?
Championat.Asia: Salom, hammasi yaxshi. Sizni Toshkendagi jahon chempionati saralash o'yinida kutgandik, ammo kelmadingiz.
A.J.: Ha, jarohatim bor edi. O'zbekistonga qarshi bellashuvdan bitta o'yin oldin tizzamni jarohatlab oldim. Bugun esa maydonga chiqdim. Eron terma jamoasiga qarshi javob o'yiniga borasizmi?
Championat.Asia: Ha, balki borarmiz.
A.J.: Sizni ko'rib turganimdan juda ham xursandman!
Championat.Asia: Biz ham! O'zbekistonning Osiyo kubogida Eronga qarshi o'ynashiga umid qilaman. Balki, yarim finallarda.
A.J.: Turnir qanday kechishini ko'ramiz. Terma jamoangiz uchun ilk o'yin qanday o'tdi? O'yin borishini nazorat qildinglarmi?
Championat.Asia: Suriya bilan o'ynadik, gol urish uchun imkoniyatlar bo'ldi.
A.J.: Suriyaga qarshi o'ynash doim qiyin bo'lgan...
Championat.Asia: Ha, ular doim jarima maydonchasida "avtobus qo'yishadi". Ularni Ektor Kuper boshqarmoqda, bu ko'p narsadan dalolat beradi.
A.J.: O'zbekiston terma jamoasida barchasi yaxshi bo'lishiga umid qilaman. Keyingi o'yin kim bilan?
Championat.Asia: Ikkinchi o'yin Hindistonga qarshi. Yutishga umid qilamiz. Uchinchi o'yin esa Avstraliyaga qarshi...
A.J.: Sizlarda baribir imkoniyat bor. O'zbekiston – yaxshi jamoa.
Championat.Asia: Guruhdan chiqamiz deb o'ylayman, ammo pley-offda kimga tushishimiz noaniq. Balki umuman Yaponiyaga tusharmiz.
Bosh sahifaga
292