SHahboz Umarov: "Ertaga g'alaba qozonamiz, boshqa variantimiz yo'q"

- Qisqacha aytaman. Ertaga g'alaba qozonamiz, boshqa variantimiz yo'q. Faqat g'alaba qozonishimiz kerak.

- Murabbiy tayyorgarlik jarayonida asosan etiborni nimaga qaratmoqda? Raqibni taktik tomonlama o'rganishgami yoki ruhiy holatni yaxshilashga.

- Bosh murabbiyimiz bilan mashg'ulotlarda barcha raqiblarni tahlil qilib chiqdik. Suriya va Hindiston kabi terma jamoa himoyaviy futbol namoyish etishadi va 10 kishi bo'lib himoyalanishadi. Bosh murabbiyimiz raqiblar himoyasini qanday yorib o'tishni o'rgatmoqda. Ertaga hujumkor futbol namoyish etib ko'proq gol urishga harakat qilamiz.

- Bir necha oy avval nega terma jamoaga chaqirilmayapsiz degan savolga jarohatim sababli deb javob bergan edingiz. Hozir jarohatingiz sizni bezovta qilmayaptimi?

- Yo'q, hozir sog'lig'im bo'yicha muammo yo'q.

- Hindiston terma jamoasining ustun taraflarini o'rganib chiqdingizlarmi?

- Hindiston terma jamoasi qarshi hujumlarga tayanib o'ynaydi. Himoyaga yotib olib, tezda qarshi hujum qilish ularning taktikasi.

- Bugungi matbuot anjumanida Hindiston terma jamoasi bosh murabbiyi ertaga hujumkor o'yin namoyish etishini aytib o'tdi. Balki Hindiston terma jamoasi ertaga ko'proq hujum qilar?

- Hindlar qanday o'yin namoyish etishidan qatiy nazar, biz o'zimizning uslubimizda o'ynaymiz. Avvalroq aytganimdek g'alaba qozonishdan boshqa variantimiz yo'q.