- Qatarga qarshi o'yin haqida gapirsangiz?
- O'yinni nazorat qilayotgan paytimiz, eng keraksiz holatda gol o'tkazdik. SHundan so'ng, bizda imkoniyatlar bo'ldi, ammo gol ura olmadik. Birinchi taymdayoq hakam bizga qarshi ekanini sezgandik. Juda ko'p bahsli holatlarda hakam Qatar foydasiga qaror chiqardi. Qatar kabi kuchli terma jamoaga hakamlarning yordami kerak emas deb o'ylayman. Balki, hakam biroz bosim his qilgandir.
- Gol bo'lgan vaziyat haqida fikringiz qanday?
- O'sha vaziyatda qatarlik ikki futbolchi jamoadoshimni itarib yubordi, hakam esa yo'lni to'sib qo'ydi. O'yin esa davom ettirildi. Gol VAR orqali tekshirilmadi. Hakam o'sha vaziyatni ko'rmay qolgan taqdirda ham VAR vaziyatga aralib, golni bekor qilishi mumkin edi.
- Amaldagi chempionga qarshi munosib o'yin ko'rsatdingiz. Bu narsa Livanga qarshi o'yinda qanchalik jamoaga ishonch beradi? Agarda g'alaba qozonsangiz, guruhdan chiqish uchun juda yaxshi imkoniyat paydo bo'ladi...
- Livanga qarshi o'yindagi g'alaba tarixiy natija bo'lishi mumkin. Birinchi ishtirokning o'zida pley-off bosqichiga chiqish bu albatta zo'r natija. Uchinchi o'yinga bor kuchimiz bilan tayyorgarlik ko'ramiz.
- Tojikiston hali Osiyo kubogida gol kiritmadi. Uchinchi o'yinda kiritiladigan ehtimoliy gol jamoani pley-off bosqichiga olib chiqishi mumkin...
- Ha, uchinchi o'yinda juda ko'p voqealar sodir bo'lishi mumkin.
- O'zbekiston terma jamoasi o'yinlarini kuzatib boryapsizmi?
- Ha, Suriya bilan o'yinni ko'rdim. Raqib to'liq himoyalandi. O'zbekiston ko'p hujum qildi, ikkinchi bo'limda gol urishga etarli vaziyat bo'ldi. Bundan tashqari, jamoaning muhim futbolchilari hozirda jarohatda. SHomurodov va termaning ikki asosiy himoyachisi safda emas.
Bosh sahifaga
202