- Rustam, sizni keyingi bosqich yo'llanmasi bilan tabriklaymiz. Gol o'tkazib yuborganingizga qaramay, bugun ajoyib harakat qildingiz. Bugungi o'yin haqida nimalar deya olasiz?
- To'g'risini aytsam, bunday musobaqada oddiy o'yinlar bo'lmaydi. Bu kabi emociyalarni anchadan beri his qilmagandim. Biz uchun juda qiyin o'yin bo'ldi. Dastlab, gol o'tkazib yubordik. Keyin esa raqib qizil kartochka oldi. SHundan so'ng yaratgan vaziyatlarimizdan foydalanishga harakat qildik. Urgan gollarimiz ofsayd sabab bekor qilindi. Yaxshiyamki, o'yinni ijobiy natija bilan yakunlay oldik.
- Turnir siz uchun qanday o'tmoqda?
- Osiyo kubogi men uchun juda yaxshi o'tmoqda. Osiyo kubogida oson raqiblar bo'lmaydi. O'tkinchi o'yinlar ham yo'q. Nimchorak final o'yini bugungi uchrashuvdan umuman qolishmasa kerak.
- Sizni qo'llab-quvvatlagan muxlislarga nima deya olasiz?
- Muxlislarning qo'llovini his qilib turdim. Ularga rahmat aytmoqchiman. Prezidentimiz Imomali Rahmonga ham o'z minnatdorchiligimni bildirmoqchiman. Davlat rahbarining shaxsan o'zi bizga vaqt ajratgani albatta quvontiradi.
Bosh sahifaga
221