- O'yin haqidagi fikringiz?
- Juda yaxshi o'yin bo'ldi. Yigitlarimiz yomon o'ynashmadi. Birinchi o'rin bilan guruhni yakunladik, eng muhimi shu edi. Endi keyingi bosqich haqida o'ylashni boshlaymiz.
- Avstraliyaning uchta o'yindagi harakatlarini qanday baholaysiz?
- Yaxshi o'yin o'tkazdik. Ko'pchilik o'yinimizni tushunmay har xil gaplar aytmoqda. Tanqid qilayotganlar faqatgina to'rtta o'yinchimizda Osiyo kubogida tajribasi borligini bilishmaydi. Qatardagi Jahon chempionatidan so'ng tarkibimizga 12 nafar yangi o'yinchi qo'shildi. Bu katta raqam. Biz yaxshiroq harakat qilishimiz kerak.
- Nimchorak finaldagi o'yin haqida nimalar deya olasiz?
- Har bir o'yinga jiddiy yondashamiz. Bitta o'yinda barchasi hal bo'ladi. Hozirgi paytda raqiblarimiz aniq emas. Bizda uch xil variant bor, biz uchala guruhni ham kuzatib boryapmiz.
- Avstraliya bugun ham raqib darvozasiga faqat bitta aniq zarba yo'lladi. SHu haqida nima deya olasiz?
- Ha, shunday bo'ldi. Biroq bugun yaxshi kombinaciyalar amalga oshirdik. Hujumlar qildik, ammo vaziyatni yakunlaydigan o'yinchi etishmadi. Osiyo kubogidagi barcha o'yinlarimizda oxirgi nuqtani qo'yadigan futbolchi kamlik qilmoqda. Vaziyatlardan foydalanish futbolchining individual mahoratiga bog'liq.
- O'zbekiston haqida nimalar deya olasiz?
- O'zbekiston kuchli terma jamoa ekanligi malum edi. Bundan oldin ularning AQSH va Meksika bilan o'yinlarini ko'rgandim. O'zbekiston U-20 terma jamoasi Osiyo chempioni bo'ldi. O'zbekiston futbolga katta investiciya kiritmoqda. Raqibning bugungi tarkibiga ahamiyat bersak, ularning ko'pchiligi mahalliy chempionatda o'ynashlarini ko'rish mumkin. Bizda esa faqatgina to'rtta futbolchi mahalliy chempionatda to'p tepadi.
- Avstraliya bugun turnirdagi birinchi golni o'tkazib yubordi. O'zbekiston terma jamoasi bu golni urishga loyiq o'yin ko'rsatdimi?
- Bugun ikkala jamoada ham biroz charchoq bor edi. O'zbekistonning o'yini maqtovga loyiq. Ular oxirgi ikki to'qnashuvimizga qaraganda ancha o'sishga erishishgani bugun sezildi . O'zbekiston kelajakda Osiyo kubogida katta natijalar qayd etishiga ishonaman. Ularga o'yin uchun rahmat aytaman.
Bosh sahifaga
469