"Neftchi" bugun ikkita nazorat uchrashuvi o'tkazadi. Raqiblardan biri Polsha klubi

2024-01-26 09:00:02 / Kiritdi: BestMaster O'qilgan: 31

Yangi mavsumga Turkiyaning Antalya shahrida tayyorgarlik ko'rayotgan "Neftchi" jamoasi bugun ikkita nazorat uchrashuvida ishtirok etadi.

Kunning birinchi yarmida Qozog'iston Birinchi liga vakili Semey shahrining "Elimay" klubi bilan o'yin o'tkaziladi. Abay viloyati sharafini himoya qilayotgan "Elimay" jamoasi 2022 yilda tuzilgan bo'lib, o'tgan 2023 yil futbol mavsumida Qozog'iston Birinchi ligasining debyutanti maqomida qatnashdi va musobaqada birinchi o'rinni egallashga muvaffaq bo'ldi. Jamoaga Andrey Karpovich bosh murabbiylik qilib kelmoqda.

Kunning ikkinchi qismida, yani kechki soat 19:00 da navbatdagi sparring raqib Polshaning Gdansk shahrida joylashgan "Lexiya" futbol klubi bo'ladi. Ushbu jamoa 1945 yilda tashkil topgan bo'lib, mamlakat musobaqalarida bir qancha sovrin va unvonlarni qo'lga kiritgan. 1956 yilda mamlakat birinchiligining bronza medali, 1983 va 2019 yillarda Polsha kubogi va Superkubogi sohibi bo'lgan.

26 yanvar 2024 yil
13:00 da "Neftchi" - "Elimay" (Qozog'iston).
19:00 da "Neftchi" - "Lexiya" (Polsha)

Teglar: neftchi, bugun, ikkita, nazorat, uchrashuvi, otkazadi, raqiblardan, biri, polsha, klubi,
← Oldinga Orqaga →