"Butun O'zbekiston xalqini g'alaba bilan tabriklayman. SHuningdek, Tojikiston va Qirg'izistondan qo'llab-quvvatlaganlarga ham rahmat.
O'yinga kelsak, unga yaxshi tayyorgarlik ko'rgandik va taktik jihatdan raqibni yaxshi o'rgangandik. Bugun yaxshi o'yin ko'rsatdik deb o'ylayman. Asosiysi g'alaba va keyingi bosqichga chiqqanimiz.
1:1 bo'lgan vaziyatdagi bosim? Unchalik bosim bo'lmadi, bu o'yinda bo'lib turadigan holat va asosiy to'xtab qolmaslikdir. Biz esa harakat qildik va ikkinchi golni urishga erishdik.
Qatarga kelsak, Qatar juda yaxshi jamoa, o'yinchilari ham individual jihatdan kuchli. Afif va Al Haydos kabi juda yaxshi o'yinchilarga ega. Qatarga qarshi juda qiziqarli o'yin bo'ladi deb o'ylayman. Oldimizdagi har bitta o'yinni yutmoqchimiz", — deydi Tailandga qarshi o'yin qahramoni.
Bosh sahifaga
120