Oldinda Qatarga bilan qarama-qarshilik kutmoqda. Umuman olib qaraganda chorak finalda O'zbekiston uchun o'z darajasidagi raqib tushdi. Har xolda shu paytgacha Qatar bilan o'yinlarda katta muammolarga duch kelmaganmiz. O'zbekiston terma jamoasi sobiq futbolchisi Viktor Karpenko ham bu boradagi fikrlarini bildirdi.
- Guruhdagi birinchi va kuni kecha bo'lib o'tgan Tailand bilan o'yinni solishtirganda, terma jamoamiz o'yindan-o'yinga qo'shib bormoqda. Ishonchli harakat qilmoqda. Guruh bosqichida mag'lubiyatga uchraganimiz yo'q. Nimchorak finaldagi raqibimiz esa darvozasidan birortga gol o'tkazib yubormagan Tailand edi. O'zbekiston bu jamoaga 2ta gol urdi va chorak finalga chiqdi.
- Terma jamoamizning barcha uchrashuvlarini kuzata turib shuni aytishim mumkinki, hujumchisiz harakat qilganda emas, forvard bilan yanada yaxshiroq o'ynashimizga guvoh bo'ldim. Maydonda hujumchi bo'lgan uchrashuvda biz ishonchli g'alabaga erishdik. SHomurodov yo'q, Sergeev jarohat olgan. Maydonda men Bobir Abdixoliqovni ko'rishni istardim. O'ylaymanki, murabbiy to'g'ri qaror qabul qiladi.
- Har bir Osiyo Kubogida mezbonlarda imkoniyat ko'proq bo'ladi. Ular favorit deya qaraladi. Qatar o'z maydonidagi o'yinlarda ishonchli o'yin ko'rsatib, chorak finalga etib keldi. Ular o'tgan Osiyo Kubogidagi muvaffaqiyatni yana takrorlashni istashlari tabiiy. Oson bo'lmaydi. Lekin futbolda hamma narsa bo'lishi mumkin. Barchasi maydonda hal qilinishi kerak. Ikki jamoa ham bir-biriga munosib. Terma jamoamiz o'zining kuchli sifatlarini ko'rsatib, yarim finalga yo'llanma oladi, degan umiddaman.
- 2011 yilgi Qatarga qarshi bahs musobaqaning ochilish uchrashuvi bo'lgan. O'yindan oldin, uchrashuv atrofida OAV katta ajiotaj ko'targani yodimda. Ular turnirni g'alaba bilan boshlashni istardi. Lekin biz ham bu turnirgacha uzoq vaqt tayyorgarlik ko'rganmiz. O'sha oqshomda g'alaba bizniki edi.
Bosh sahifaga
196