Vladimir Valentinovich, avvalo bizga o'yindan olgan taassurotlaringiz bilan o'rtoqlashsangiz?
Bugungi uchrashuvdan taassurotlarim yaxshi. Biz tajovuzkor raqibga qarshi o'ynadik. Yakka kurashlarga boy bellashuv bo'ldi, deb o'ylayman. “Nagruzka”ga asoslangan o'yin kechdi. Qaysidir vaziyatlarda imkoniyatlarimiz yaxshi bo'ldi, gollar ham urdik. O'yinimizga yana nimadir etishmadi. Masalan, bir qancha vaziyatlarda bizga aniqlik etishmaganini aytishim mumkin. O'yinning tempi va uning darajasi yuqori kechdi. Antaliyadagi birinchi uchrashuvimizda yaxshi sparring-raqib bilan maydonga tushdik.
Jamoangiz ilk bor “Andijon” klubiga qarshi o'ynadi. Umumiy manoda oladigan bo'lsak, “Andijon” haqida nima deya olasiz?
Adashmasam, bungacha ular bitta o'yinda o'ynashgandi va biz buni tomosha qilishga erishdik. Ko'rinib turibdiki, ularda ham dastlabki xorij yig'ini tashkil qilingan. Albatta, jamoani yaxshi harakat qilayotgani sezilib turibdi. Bunday yig'inlarda hamma jamoa har xil holatda bo'ladi. Turli xil futbolchilarni ko'rikdan o'tkazishadi. Hozir bizda ham, ularda ham xuddi shunday jarayon davom etmoqda. Har hil “nagruzkalar” va tayyorgarlik jarayonlarida turli xil holatlar bo'ladi. “Andijon” uchun ham, biz uchun ham yaxshi o'yin kechdi, deb o'ylayman.
CSKA futbolchisi Abbos Fayzullaev hozirda O'zbekiston terma jamoasi bilan Qatardagi Osiyo Kubogida qatnashyapti va gollar uryapti. Tabiiyki, uni sinchkovlik bilan kuzatib borayotgandirsiz…
Albatta, Fayzullaevni kuzatyapmiz. SHubhasiz, Abbosga va O'zbekistonga muxlislik qilyapmiz. U erda bizning o'yinchimiz to'p suryapti. SHuning uchun Osiyo Kubogidagi faoliyatiga beetibor emasmiz. Fayzullaev qanday o'ynayotganini barchamiz ko'ryapmiz va bundan xursand bo'lyapmiz. U barchani o'ziga qaratmoqda. Butun mamlakatining olqishiga ham sazovor bo'lyapti. Abbosga yana shunday harakat qilishini, mahoratini ko'rsatib, yanada sifatli o'ynab, gollar urishini xohlab qolamiz. Keyingi uchrashuvlarda faqat g'alabalar tilaymiz.
“Andijon” matbuot xizmati.
Bosh sahifaga
265