Biz bu xabar borasida qanday fikrda ekanini bilish maqsadida Germaniyada ishlayotgan hamkasblarimizga murojaat qildik.
Frank Linkesh - "Bavariya" klubiga ixtisoslashgan nemis jurnalisti (Kicker nashri):
- Bu men uchun kutilmagan yangilik, chunki bu futbolchi haqida hech qachon eshitmaganman. 100% hech narsani istisno qilmayman, "Bavariya" bozorda juda faol. Klub barcha yosh, iqtidorli futbolchilarni biladi va ularni kuzatadi. Nazariy jihatdan transferni inkor etib bo'lmaydi, ammo "Bavariya" hozir bor etiborini tayanch yarim himoyachi topishga qaratgan. Ular bunday futbolchini Ispaniya yoki Franciyadan qidirishmoqda. SHuni ham takidlash kerakki, "Bavariya" ko'pincha Evropada mashhur bo'lgan futbolchilarni sotib oladi.
Miron Goyxman - Germaniyada yashovchi rusiyzabon jurnalist (ko'plab saytlar, jumladan Championat.asia bilan hamkorlik qiladi):
- OAVda "Bavariya"ning Fayzullaevga qiziqishi haqida paydo bo'lgan malumotlar ko'proq ushbu shubhasiz iqtidorli futbolchiga qo'shimcha qiziqish uyg'otish uchun qilingan ishga o'xshaydi. Germaniyadan men tanigan ko'pchilik jurnalistlar bu xabarni tabassum bilan kutib olishdi. Agar "Bavariya" bu futbolchiga haqiqatan ham qiziqqan bo'lsa ham, hozir bu transfer imkonsiz. "Bavariya" hozirgi vaziyatda Rossiyaning hech bir klubi bilan hech qanday kelishuvga erisha olmasligi aniq.
Bosh sahifaga
211