SHahboz Beg'amov telegramdagi o'z kanalida quyidagicha post qoldirdi:
"Ravshan Salimov "Paxtakor"da ishlashi bu hamma narsani biladi yoki doim to'g'ri malumot beradi degani emas.
"Empoli" Diyor Xolmatovning Tailandga qarshi o'yinidan keyin futbolchiga jiddiy qiziqib qolgan va tabiiyki dastlab futbolchining transferiga qiziqib klubga murojaat qilgan.
Bu esa transferning tashabbuskori qaysidir rahbar ekanligini anglatmaydi.
Hozirda futbolchi va klub o'rtasida shartnoma bor yoki yo'qligi ochiq savol, adashmasam.
Klub rasmiy sahifasida Xolmatovning shartnomasi uzaytirilgani haqida so'nggi axborot 2021 yili 21 dekabr oyida berilgan va o'shanda 2023 yil yakuniga qadar bitim imzolangan.
Agar shu malumotga ishonilsa, unda Xolmatov ayni paytda erkin agent bo'lishi mumkin.
Masalan, Ravshan Salimov Farruh Sayfievning transferi bo'yicha hammadan avval bilsa yoki bilmasa ham "Neftchi"ga qo'yib yubordik", deb noto'g'ri malumot tarqatgan inson.
Xullas, xulosa o'zingizdan. Diyor Xolmatovga esa tezroq Evropaga ketishini tilab qolaman. "Empoli"da uni kutishayotgani haqiqat :-)
"Paxtakor"dan ko'pchilik ketmoqchi va tez orada yana bir boshqa transferni ko'rasizlar. Yani klub transfer qilganini emas, balki futbolchi erkin agent sifatida Evropaga ketgani haqida gap.
Insayd berishni to'xtatganman, ammo Diyor Xolmatov masalasida ko'pchilik qiziqqani va so'ragani uchun bilganlarimni shu erda qoldirgandim", - deb yozadi SHahboz Beg'amov telegramdagi o'z kanalida.
"Paxtakor" klubi xodimi: "Futbolchimizning Italiya A seriyasiga o'tayotgani haqidagi xabarlarda asos bor, lekin..."
Bosh sahifaga
210