Osiyo Kubogida kimlar debyut qildi?
Avvalgi Osiyo Kuboklarida murabbiylar tarkibga 23 nafar futbolchini jalb qilishshgan bo'lsa, OFK 2024 yil Qatardagi Osiyo Kubogiga 26ta o'yinchini ro'yxatdan o'tkazishga ruxsat berdi. Srechko Katanec 26talik limitdan to'liq foydalandi. O'tkir Yusupov, Zafarmurod Abdirahmatov, Abbosbek Fayzullaev, Muhammadqodir Hamraliev, Rustam Ashurmatov, Umar Eshmurodov, SHerzod Nasrullaev, SHahboz Umarov, Xojimat Erkinov, Abdulla Abdullaev, Abduqodir Husanov, Jamshid Boltaboev, Oston O'runov, Odiljon Hamrobekov, Diyor Xolmatov, Xojiakbar Alijonov jami 16 nafar futbolchi ilk bor qita turnirida maydonga tushdi. Bundan tashqari debyutantlar Abduvohid Nematov, Botirali Ergashev, Bobir Abdixoliqov, Aziz Amonovga imkoniyat berilgani yo'q. Srechko Katanec 26 nafar futbolchining 22 nafarining xizmatidan foydalandi.
Avvalgi musobaqalarda bu ko'rsatkich qanday bo'lgan?
1996 yilgi Osiyo Kubogida Bahodir Ibrohimov 23 nafar futbolchining 21 nafaridan foydalangan. Zafar Musaboev va Dmitriy Bashkevich maydonga tushishmagan.
2000 yil Livanda o'tgan turnirda Yuriy Sarkisyan 22 nafar futbolchini jalb etgan va 20 nafaridan musobaqa davomida foydalangan. Darvozabonlar Narimon Osmanov va Georgiy Zabirov maydonga tushmagan.
2004 yilgi qita musobaqasida 22 nafar o'yinchidan 20 nafari maydonga tushgan. Aleksey Polyakov va SHavkat Raimqulovning xizmatiga murabbiylar ehtiyoj sezmagan.
2007 yil Rauf Inileev musobaqaga 23 nafar futbolchini olib ketgan va 19 nafar futbolchiga ishonch bildirgan. Iqbol Akramov, Botir Qoraev, G'ayratjon Hasanov, Ildar Magdeev zaxirada qoldirilgan.
2011 yil Qatar yashil maydonlarida o'tgan Osiyo Kubogi uchun 23 nafar futbolchi taklif etilgan edi. Vadim Abramov faqatgina Farruh Nurliboev va Murod Zuhurovning xizmatidan foydalanmagan.
Keyingi Osiyo Kubogida bu son biroz kamaydi. Avstraliyadagi Osiyo Kubogida 23 nafar futbolchining 19 nafari imkoniyatga ega bo'lishgan. 4 nafar futbolchi Farruh Sayfiev, Akbar To'raev, Egor Krimec, Eldorbek Suyunovga ehtiyoj sezilmagan.
Ektor Kuper ham Qosimov singari 23 nafar futbolchidan 19 nafariga ishonch bildirdi. BAAda o'tgan turnirda Odiljon Hamrobekov, Doston Tursunov, Sanjar Quvvatov, O'tkir Yusupov biror marotaba maydonga tushmagan.
Bosh sahifaga
109