Ushbu sahifada uchrashuvning matnli translyaciyasini kuzatib borishingiz mumkin bo'ldi.
YANGILASH
90+17-daqiqa. Bo'ldi, yana bir burchak zarbasidan keyin to'p Akrom Afifga kelib tushgach, hakam final hushtagini chaldi. Qatar — Osiyo Kubogi finalchisi!
90+13-daqiqa. Alirizo Beyranvand ham raqib jarima maydonchasiga etib keldi.
90+11-daqiqa. To'p maydon tashqarisiga chiqib ketdi. Qatar hech qaerga shoshmayapti, Eron termasi ustozi esa qo'lida yo'q soatiga ishona qilib, bunga etibor qaratishni so'ramoqda.
90+8-daqiqa. O'zgarish! Mehdi Taremi o'rniga Rizo Asadi maydonga tushirildi.
90+5-daqiqa. Eron taslim bo'lmayapti...
90+3-daqiqa. QIZIL KARTOCHKA! SHojai Halilzodaga Akrom Afifga nisbatan qo'polligi uchun berilgan sariq bekor qilinib, qizil kartochka ko'rsatildi!
90-daqiqa. O'yinning asosiy vaqtiga 13 daqiqa qo'shib berildi!
88-daqiqa. Afifga nisbatan fol. Akrom vaqtdan yutish uchun yaxshi imkoniyat yuzaga kelganini tushunib turibdi... yoki yotibdi.
Har ikki jamoa imkon topildi deguncha, hujumga o'tib, gol urish uchun o'ynayotganini takidlash lozim.
82-daqiqa. GOOOOOOOL! Almoez Ali katta sahnaga chiqmoqda. Uning aniq zarbasi Qatarni yana oldinga olib chiqdi — 3:2.
78-daqiqa. Eronning bosimi tobora kuchayib bormoqda, ammo oxirgi pallada nimadir etishmayapti.
75-daqiqa. Xavfli vaziyat! Hozir himoyachilarning jonbozligigina Eron hisobda oldinga chiqib olishiga yo'l qo'ymadi.
74-daqiqa. Azmunga nisbatan fol qayd etildi. Qatar darvozasi oldida yana bir standart vaziyat.
68-daqiqa. O'zgarish! Qatar safida yana o'zgarish. Almaxdi Ali o'rniga Bulaem Xuxi o'yinga qo'shildi.
63-daqiqa. O'zgarishlar! Yussuf Abdurizoq va Pedru Migel o'rniga Hasan Al Xaydos va Tariq Salmon maydonga tushirildi.
Hasan Al Xaydos taxminan 5 daqiqadan buyon maydonga tusha olmayapti...
53-daqiqa. O'yin tempi bir oz tushgandek.
Endi Eron bo'lim startida gol urdi va muvozanatni tikladi. Buyog'iga o'yin yanada qiziydi.
Zarbani Alirizo Jahonbaxsh amalga oshiradi. Zarbaa va GOOOOOOL!
Bosh hakam Axmad Alali qayta-qayta ko'rib, penalti (!) belgilashga jazm qildi!
Uxx! Ular bosh hakamga o'zing ko'raqol deyishdi...
O'yinda pauza yuzaga keldi. Hozir hamma VARxonadagilarning malumotini kutmoqda.
Eron darhol hujumga tashlandi va burchak zarbasi ishlab oldi. Uzatmadan keyin eronliklar ketma-ket zarba yo'llashga urinishdi... Yana hakamga penalti belgilash kerak, deb yuzlanishmoqda.
46-daqiqa. Ikkinchi bo'lim boshlandi!
Bo'ldi, hakam birinchi bo'lim yakunlanganini bildiruvchi hushtagini chaldi va jamoalarni tanaffusga taklif qildi.
45+5-daqiqa. Eron yana bir burchak zarbasini amalga oshiradi.
VAR vaziyatni ko'rib chiqdi va penalti belgilashga asos yo'q deb hisobladi.
45+2-daqiqa. Burchakdan uzatilgan to'pni darvozaga yo'llashga urinishdan keyin eronliklar hakamdan penalti so'rashmoqda...
45-daqiqa. Birinchi bo'limning asosiy vaqtiga 4 daqiqa qo'shib berildi.
43-daqiqa. GOOOOOOOL! Akrom Afifdan ajoyib gol! Qatarliklar oxirigacha o'ynashdi va Afif individual harakatlar evaziga juda chiroyli gol muallifiga aylandi. Qoyil qolmay iloj yo'q.
40-daqiqa. Ogohlantirish! Aynan Almaxdi Ali Azmunga nisbatan qo'polligi uchun sariq kartochka bilan "mukofotlandi".
39-daqiqa. Pressingda yaxshi harakat qilgan qatarliklar to'pni olib qo'yishdi va Almaxdi Ali zarba berib, omadini sinab ko'rdi.
32-daqiqa. Xavfli vaziyat! Kutilmaganda yuzaga kelgan qarshi hujumda Akrom Afif qulay nuqtaga chiqib bordi, himoyachining qarshiligiga qaramay, zarba yo'lladi, qaytgan to'pni yana darvozaga qarab tepdi, ammo, lekin, biroq... Birinchisida himoyachilar to'g'anoq bo'ldi, ikkinchisida to'p darvoza yuqorisidan o'tib ketdi.
27-daqiqa. Xoji Safidan to'pni olib qo'ygan Almoez Ali Qatarning xavfli hujumini boshlashi mumkin edi, biroq keragidan ko'p shoshildi va Afifga uzatmasi o'xshamadi.
23-daqiqa. "Barselona" uslubida himoyadan chiqib ketmoqchi bo'lgan Eron oxiri to'pni maydon tashqarisiga yo'naltirdi.
21-daqiqa. Ogohlantirish! Ehson Xoji Safi to'pni raqibga sovg'a qildi va uni qo'pollik bilan to'xtatishga majbur bo'ldi. Vaziyatdan uzoq bo'lmagan hakam ikkilanib o'tirmay himoyachiga kartochka ko'rsatdi.
18-daqiqa. Ogohlantirish! Bosh hakam Mexdi Torabiga sariq ko'rsatdi.
18-daqiqa. GOOOOOOOL! Afifning uzatmasidan keyin Jassim Abdulsallam zarba yo'lladi, to'p yo'l-yo'lakay himoyachiga tegib, darvoza to'riga borib tushdi — 1:1.
16-daqiqa. Uxx! Sal qolishiga, sal qoldi... Qatarliklar baxtiga himoyachi to'pga eta oldi.
10-daqiqa. Afif qanotdan to'pni jarima maydonchasi tomon yo'lladi, lekin Beyranvand ishonchli harakat qilib, uni egallab oldi.
Jaxonbaxsh to'pni autdan tashlab berdi, Izzatulloxi to'pni uzoq burchakdagi Azmunga o'tkazdi, Serdar himoyachi bilan kurashda dastlab zarba bera olmadi, ammo hujumchi yiqilayotganda o'ta chiroyli zarba bilan o'z niyatiga etdi!
4-daqiqa. Birinchi gol o'zini uzoq kuttirmadi, Azmun Eronni oldinga olib chiqdi!
1-daqiqa. Demak, o'yin boshlandi!
Eslatib o'tamiz, kecha birinchi yarim finalda Iordaniya terma jamoasi sensacion tarzda Koreya Respublikasi terma jamoasini taslim qilib finalga chiqdi - 2:0.
Osiyo kubogi-2023. Eron - Qatar uchrashuviga hakamlar tayinlandi
Osiyo kubogi-2023
Eron - Qatar 1:0
7 fevral, 2024 yil. "Al Tumama" stadioni. 20:00 (Toshkent vaqti)
Bosh hakam — Ahmad Alali (Kuvayt)
Yordamchilar: Abdulhadi Alanezi (Kuvayt), Muhammad Zairul bin Halil Tan (Malayziya)
Zaxira hakami: Iida Jumpey (Yaponiya)
VAR: Sivakorn Pu-Udom (Tailand)
AVAR: Fu Ming (Xitoy)
Nazoratchi: Ali Ahmad Altraifi.
Eron: 1.Ali Rizo Beyranvand, 3.Ehson Xojisafi, 4.SHojai Halilzoda, 6.Said Izzatullohi, 7. Alirizo Jahonbahsh, 8.Omid Ibrohimi, 9.Mexdi Taremi, 13.Hussayn Kanani, 14.Saman Goddos, 20.Sardor Azmun, 23.Ramin Rizoyan.
Zaxira: 12.Payam Niyozmand, 5.Milad Muhammadikeshmarzi, 22.Said Hussayn Hussayni, 10.Karim Ansarifard, 11.Rizo Asadi, 15.Ruzbeh CHeshmi, 16.Mahdi Torabi, 17.Ali Golizadeh, 18.Mehdi Gaedi, 22. Sayid Husayn Husayni, 24. Arya Yusufi, 25.Saman Falloh, 26.SHahriyor Moganlu.
Qatar: 22. Meshal Barsham, 2. Pedro Korrea, 3. Al Mahdi Ali Muhtor, 4. Muhammad Vaad Al Bayati, 9. Yusuf Abdurisag, 11. Akram Afif, 12. Lukas Mendes, 14.Xumam Axmad, 19. Almoez Ali, 20. Ahmad Fathi, 24. Jassim Jobir Abdusallam.
Zaxira: 1. Saad Al SHib, 5. Tariq Salmon, 6. Abdul Aziz Hatim, 7. Ahmad Alaadin, 8. Ali Asad, 10. Hasan Al Haydos, 15. Bassam Xusham Alravi, 16. Bualem Xuxi, 17. Ismail Muhammad, 18. Sulton Al Burayk, 21. Salah Zakariya, 23. Mustafo Tariq Mashal.
 Iran Sardar Azmoun - 4', Alireza Jahanbakhsh - 51' | Asian Cup Final Stage . Semi Finals-tur 07/02/2024, 20:00 3 : 2 Tugadi |  Qatar Jassem Abulsallam - 17', Akram Afif - 43', Almoez Ali - 82' |
Stadion: Al Thumama Stadium
Bosh sahifaga
108