"Tiklanib olish uchun faqatgina ikki kun vaqtimiz bo'ldi. Dam olish va qayta tiklanish final oldidan hal qiluvchi faktor bo'ladi. Ayniqsa, final Iordaniya kabi kuchli raqibga qarshi ekanini hisobga olsak.
Barcha shogirdlarimga to'liq ishonaman. Ular bu bosqichga munosib edilar. Har bir futbochimiz finalgacha bosib o'tilgan yo'lda o'z hissasini qo'shdi. Bu falsafamizning ajralmas qismi.
Futbolchilar mashina emas. Ular tinmay yugurishadi, futbol o'ynash qiyin. Afif, Almoez va Al Haydoslarni o'zgartirib turishimiz tabiiy holat. Hech qaysi o'yinchi 90 daqiqa yuqori tempda o'ynolmaydi. G'alaba qozonish uchun barchasini qilamiz.
Finalda doim bosim bo'lgan. Turnirda katta sensaciya qayd etayotgan Iordaniyaga qarshi bu bosim yanada katta bo'ladi. Biroq, biz vazmin holatdamiz, nima qilishni yaxshi bilamiz. Ikkinchi o'rin bizni qoniqtirmaydi. Osiyoda eng kuchli ekanimizni isbotlashimiz kerak", -deydi Markes Lopes.
Eslatib o'tamiz, Iordaniya va Qatar termalari o'rtasidagi Osiyo kubogi final o'yini 10 fevral kuni, Toshkent vaqti bilan soat 20:00 da start oladi.
Bosh sahifaga
184