Biz Sergey Arslanov bilan aloqaga chiqdik va murabbiyning fikri bilan qiziqdik:
- "Surxon"dan ketdi degan xabar chiqdi. Bu qanchalik rost?
- Ha, "Surxon" klubidan ketganim rost. Kecha klub bilan xayrlashdim.
- Bunga nima sabab bo'lganini ayta olasizmi?
- Klub rahbariyati shunday qarorga keldi. Uni muhokama qilishni istamadim.
- Axir 23 dekabr kuni siz bilan shartnoma uzaytirilgani haqida xabar chiqqandi.
- Ha, shartnoma uzaytirilgani rost. Endi uni bekor qilish bo'yicha muzokara o'tkazamiz.
- Eshitishimizga qaraganda, sizda o'tgan mavsumdan keyin bir qator takliflar bo'lgandi. Hozir esa mavsum deyarli boshlanmoqda va klub siz bilan xayrlashishga qaror qildi. Bu sizni xafa qilmadimi?
- Bilasizmi, menga ko'proq "Surxon"dek klubni tark etayotganim alam qildi. Biz bir oilaga aylanib bo'lgandik. Rahbariyatning qarorini esa muhokama qilmoqchi emasman. Takliflarga kelsak, ha, ular bor edi.
Narzulla suhbatlashdi
Bosh sahifaga
141