Bir necha kun avval "Istiqlol" bosh murabbiyi Javod Nekunam va klub vice-prezidenti o'rtasida Oston O'runovning transferi sababli mojaroga borishgani haqida xabar bergan edik. Javod Nekunam "Sanat Naft"ga qarshi kechgan uchrashuvdan keyingi matbuot anjumanida yana bir marotaba Oston O'runovning transferi bo'yicha izoh berdi.
Javod Nekunam: "O'runov bizga kerak emas deganimni isbotlab bering. Ayrim bir shaxslarda audio isbot bor edi-ku. O'sha audio xabarni ommaga tarqatinglar. Ko'raylik-chi, kim O'runov bizga kerak emas degan ekan. Men Oston O'runov va yana ikkita eronlik futbolchini jamoa qo'shib olish kerakligini ko'p marotaba aytgandim. O'runovning va ikkita eronlik futbolchi menga kerak edi. O'runov transferi bo'yicha hech qanday harakat qilmadik va u "Persepolis"ga yo'l oldi"
SHuningdek mahalliy jurnalist Jaloliddin Masharipov "Istiqlol" safiga kelib qo'shilganidan so'ng Oston O'runov variantidan voz kechilgani haqida savol bergandi. Javod Nekunam jurnalistning savoliga qo'yidagicha javob berdi.
"OCHLdagi "Navbahor" - "Nassaji" o'yinidan keyin men O'runovni sotib olishimiz kerak dedim. Bunga olti oy bo'ldi. Mavsum yakuniga ko'ra Ostonning "Navbahor" bilan shartnomasi tugashi va biz ushbu o'yinchini o'z safimizga qo'shib olishimiz kerakligini iltimos qilgandim. Ostonning shartnomasi uchun 200 ming AQSH dollaridan ko'proq sarflashimizdan qatiy nazar, men ushbu futbolchini o'z safimizga qo'shib olishimiz kerakligini aytgandim. Rasman xat jo'natdim ham. Masharipov esa erkin agent edi va biz uni o'z safimizga qo'shib oldik" - dedi bosh murabbiy
Bosh sahifaga
182