Video xabarda OFK prezidenti SHayx Salmon bin Ibrohim Al Xalifa O'FA sobiq prezidenti, marhum Mirabror Usmonovni xotirladi.
Xususan SHayx Salmon shunday deydi: "OFK va Osiyo futboli oilasi nomidan eng yaqin do'stlarimizdan biri Mirabror Usmonov xotirasini yod etishga ruxsat bergaysiz".
"Osiyo futboli rivoji uchun ko'pchilik erkaklar va ayollar hissa qo'shib keldi. Mirabror Usmonov ham o'z vaqtida qita futboli rivojiga katta yordam bergan taniqli shaxslardan biri bo'lib qoladi".
"O'zbekiston futbol federaciyasini 2006-2017 yillar oralig'ida boshqargan Mirabror Usmonov nafaqat o'zbek futboli, balki Osiyo futboli uchun ham ko'p xayrli ishlarni amalga oshirdi. Osiyo Kubogi-2011da O'zbekiston terma jamoasining to'rtinchi o'rinni egallashida ham bu insonning qo'shgan hissasi katta".
"SHuningdek, 2015 yil birinchi bor Markaziy Osiyo futbol associaciyasi tashkil etilishida ham Mirabror Usmonov muhim rol o'ynadi tashkilotning birinchi prezidenti etib tayinlandi".
"Mirabror Usmonov sportdagi faoliyati mobaynida faqat futbol bilan chegaralanib qolmadi, uning 2013-2017 yillar oralig'ida O'zbekiston Milliy Olimpiya qo'mitasi rahbari lavozimida ishlashi O'zbekistonda sportning boshqa turlari ham ko'tarilishiga zamin yaratdi".
"2016 yil bo'lib o'tgan Rio Olimpiadasida O'zbekistonning umumiy hisobda 13ta medal yutishi aynan Miraobror Usmonov sportga rahbarlik qilgan yilga to'g'ri keldi".
"Ikki yil oldin Mirabror Usmonovning vafoti haqida xabarni eshitganimda juda noqulay holatga tushib qoldim va qattiq xafa bo'ldim. Butun Osiyo futboli jamoatchiligi marhumning yaqinlariga taziya izhor etdi".
"Mirabror Usmonov ajoyib rahbar bo'lish bilan birga juda yaxshi inson edi. U kishining xotirasi hamisha qalbimizda. Hech shubhasiz, Mirabror Usmonov O'zbekiston sporti uchun ko'p xayrli ishlarni amalga oshirgan shaxs sifatida tarixda qoladi".
Bosh sahifaga
300