Bu haqda O'zPFL rasmiy bayonot berdi.
"Namanganning "Navbahor" klubi joriy yilning 10 yanvar sanasiga qadar o'tgan mavsumdan qolib kelayotgan qarzdorlikni bartaraf qila olmadi. Biroq klub futbolchilar maqomi va o'tishi qo'mitasi tomonidan chiqarilgan qarorlar ijrosini to'liq bajardi.
Associaciya hamda Liga klub bilan bog'liq qarzdorlik masalasi to'liq o'rganilguniga qadar transfer taqiqini olmaslikka qaror qildi. Bugun — 21 fevralda klub farm, U19, U21 va ayollar jamoalaridan qolib kelayotgan mavjud qarzdorlik masalasiga to'la oydinlik kiritdi. SHuningdek, qo'mitaga murojaat qilishga tayyorgarlik ko'rayotgan asosiy tarkib azolari bilan kelishuv imzolandi.
Endilikda"Navbahor" oldiga birinchi galda yoshlar va ayollar jamoasi bilan hisob-kitob qilish vazifasi qo'yildi. Mazkur qarzdorlik dastlabki ikki uy uchrashuvidan ko'riladigan foyda hisobidan qoplanishi kafolatlandi. SHuningdek, klub CHempionlar ligasidagi muvaffaqiyatli yurishi natijasida ega chiqadigan daromadni ham ilk navbatda qarzlarni bartaraf etish uchun sarflaydi. Kelajakda "Navbahor" futzal, ayollar va yoshlar jamoalari bilan ishlash mexanizmini to'g'ri yo'lga qo'yishi shart. Mavjud holat mavsum davomida kuzatilsa va yil yakunida o'xshash masalalar amalda bo'lsa, klubga nisbatan yanada qatiyroq sankciyalar qo'llaniladi.
Liga "Navbahor" klubining so'nggi yillardagi muvaffaqiyati, ayniqsa, jamoaning xalqaro maydonda qayd etayotgan natijalarini yuqori baholaydi. Muxlislar bilan ishlash, asosiy tarkibga bo'lgan talab va yondashuv masalasida "Navbahor" haqida iliq fikrlar bildirish mumkin. Mazkur holatlarni inobatga olib, "Navbahor" strukturasini to'liq professional ko'rinishga keltirish masalasi qayta ko'rib chiqilishi shartida Associaciya klubga yangi futbolchilarni ro'yxatdan o'tkazish uchun ruxsat beradi.
SHuningdek, Associaciya tomonidan qo'yilgan talablar ijrosi bajarilganligi bo'yicha hisobotni 21 fevral kuni taqdim etgan Jizzaxning "So'g'diyona" klubidan ham transfer taqiqi echildi", -deyiladi O'zPFL bayonotida.
Bosh sahifaga
82