Malilik 31 yoshli himoyachi o'zi bilan bir chiziqda to'p tepadigan o'zbekistonlik hamkasbini maqtadi.
"Husanov juda yaxshi o'yinchi, yakkakurashlarda ishonchli harakat qilmoqda. U yosh, lekin ko'rsatayotgan o'yinidan uning yosh ekanligini ham unutib qo'yamiz. Abduqodir muvaffaqiyatga erishish uchun barcha imkoniyatlarga ega. U jiddiy yigit, shu bilan birga, boshqalarni tinglashni biladi va har doim maydonda borini beradi. O'z navbatida biz uni imkon qadar qo'llab-quvvatlashga harakat qilamiz. Unga maslahat berishga harakat qilamiz. Dastavval u muloqot qilish borasida qiyinchiliklarga uchradi, ammo futbolning o'z tili bor, biz shu orqali muloqot qilamiz va u kutilganidan tezroq moslasha boshlaydi", — dedi Aydara.
Eslatib o'tamiz, bugun "Lans" Evropa ligasi 1/16 final doirasida "Frayburg" mehmoni bo'ladi. Uchrashuv Toshkent vaqti bilan soat 22:45 da start oladi.
Bosh sahifaga
162