Midori Xonda: "So'ngi bosqichga qadar etib kelganimiz kutilmagan natija emas"

- Ertangi uchrashuv haqidagi fikrlaringiz?

- Avvalambor barchaga assalomu aleykum. Biz mana shu, bosqichga qadar etib kelganimiz kutilmagan natija emas. Biz bunga etarlicha tayyorgarlik olib bordik. Yig'inlar davomida bor kuchimizni ishga solib mashg'ulotlar o'tkazdik va ertangi o'yinga yaxshi tayyorgarlik olib bordik. Ertaga chiroyli o'yin ko'rsatamiz deb o'ylayman.

- Avstraliya terma jamoasi ayrim bir muammolar sababli bugun kechasi Toshkentga etib keladi. Avstraliyaning kech qolishi bizga ustunlik beradimi?

- Ha, ushbu jihat o'yinga tasir o'tkazadi. SHuningdek, bizning futbolchilarimiz yaxshi jismoniy holatda va biz o'yda o'ynayotganimiz sababli bizda kichik ustunlik bor.

- Bundan bir bosqich avvalgi saralash bahslarida Yaponiyaga qarshi o'yin o'tkazgan edik. Avstraliya ham Yaponiya kabi top terma jamoa hisoblanadi. O'sha uchrashuvda biz deyarli hujum qilmagan va faqat himoyalangan edik. Ertangi bo'lib o'tadigan uchrashuvda ham shunday scenariy takrorlanishi mumkinmi?

- O'sha uchrashuvda asosan himoyalangan edik, ammo bir nechta xavfli vaziyat yaratgan edik. Karachik kabi individual mahorati kuchli futbolchilarimiz bor va ular hujumda faol bo'lishadi degan umiddaman.

- Midori xonim siz Yaponiyaliksiz va Yaponiyada ayollar futboli juda rivojlangan. Avstraliya ham ayollar futbolida eng kuchli terma jamoalardan biri. Avstraliya va Yaponiya kabi kuchli terma jamoalar bilan o'zimizning darajamizning solishtirsak oradagi farq qanchalik katta? Biz nima sababdan ulardan ortdamiz?

- O'zimning vatanim Yaponiyani misol qilib keltiraman. Yaponiyada 5000 ming nafar ayollar futbolchilar bor, O'zbekistonda esa ularning soni uzog'i bilan 500 nafar. Farqimiz shunda.

- Biz dastlabki bahsni o'yda o'tkazishimiz bizga ustunlik beradimi? Sababi Avstraliya ikki marta uzoq reys bajaradi. Biz esa faqatgina Avstraliyaga uchib borsak bo'ldi.

- Menimcha yo'q, sababi ular charter reys orqali uchishadi. Bizda esa charter reys yo'q.

 Lyudmila Karachik

- Lyudmila, ertangi uchrashuv haqidagi fikrlaringiz bilan bo'lishsangiz.

- Ertaga muhim uchrashuvimiz bor. Ob-havo sharoitlariga qaramasdan yaxshi tayyorgarlik ko'rdik. Ertangi uchrashuvga tayyormiz.

- Kuchli Avstraliyaga qarshi himoyamiz qanchalik mustahkam deb o'ylaysiz?

- Biz o'yda o'ynaymiz va bu shubhasiz bizga yordam beradi. Biz ertangi uchrashuvga tayyormiz.