Bu ishni amaldagi O'zbekiston chempioni "Paxtakor"dan boshlaymiz.
Tarkib va transferlar
Navbatdagi chempionlikdan so'ng "Paxtakor" o'z tarkibini tubdan yangilashni boshladi. "SHerlar"ning muvaffaqiyatlarida katta rol o'ynagan ko'plab tajribali futbolchilar jamoani tark etishdi. Ular orasida:
Sanjar Quvvatov;
Eldor Suyunov;
SHerzod Azamov;
Doston Tursunov;
Farruh Sayfiev;
Odiljon Hamrobekov;
Aziz Turg'unboev;
Hojimat Erkinov.
SHuningdek, Mettyu Stinvorden, Pshemislav Banashak va Muhammadali O'rinboev ham "Paxtakor"ni tark etishdi. O'rinboev ijara asosida "Brentford"ning ikkinchi jamoasiga o'tdi. Qolaversa, o'tgan yili "Energetik-BGU" jamoasida ijarada harakat qilgan Rustam Turdimurodov yaqinda "Andijon" tarkibiga qo'shildi.
"Paxtakor" uchun katta yo'qotishlar Sayfiev, Hamrobekov, Turg'unboev va Erkinovning ketishidir. Ular o'tgan yili asosiy o'yinchilar edi.
Transferlar ham ko'p emas. Bular asosan ijaradan qaytgan yosh futbolchilar: Diyor Ortiqboev, Abubakir Ashurov va Abbos Ergashboev. Doniyor Abdumannopov va Umar Adhamzoda. Abdurauf Bo'riev ham "Paxtakor" futbolchisiga aylandi, ammo darhol "Olimpik" safiga qo'shildi – u erda kamida yozgacha ijarada o'ynaydi.
Umuman olganda, "Paxtakor" hozirda tarkibning o'rtacha yoshi bo'yicha "Olimpik"dan keyin ikkinchi o'rinda (Transfermarkt malumotlariga ko'ra, 21,1 va 22,5 yosh). Jamoada hozirda yuqori saviyada o'ynash uchun etarli tajribaga ega etti nafar futbolchi bor: CHeran (36 yosh), Sobirxo'jaev (29), Hamdamov (27), Alijonov (26), Pavlyuchenko (26), Adhamzoda (25) va Saitov (25). Qolgan barcha futbolchilar 23 yosh va undan kichik. Ular orasida yuqori saviyada o'ynash bo'yicha yaxshi tajribaga ega bo'lganlar (masalan, Abdumannopov, Xolmatov, Hamraliev) ham, yaqinda kattalar futboliga o'tganlar ham (Abdumajidov, Merk, Ashurov, Asqarov) bor.
Yig'inlar va o'rtoqlik o'yinlari natijalari
"Paxtakor" mavsumga tayyorgarlikni Qibraydagi bazasida boshlab, so'ng Turkiyaga yo'l oldi. 1 fevral kuni jamoa qisqa muddatga Toshkentga qaytib, keyin yana Antaliyaga uchib ketdi.
"Paxtakor" yig'inda jami sakkizta o'yin o'tkazdi:
21 yanvar | "Paxtakor" – "Tuzla Siti" (Bosniya va Gercegovina) – 1:1
Gol: Hamdamov.
25 yanvar | "Paxtakor" – "Aleksandriya" (Ukraina) – 1:1
Gol: Ergashboev.
30 yanvar | "Paxtakor" – "Dinamo" Kiev (Ukraina) – 1:5
Gol: Adhamzoda.
7 fevral | "Paxtakor" – "Kolos" (Ukraina) – 2:2
Gollar: Hamraliev, Saidnurullaev.
10 fevral | "Paxtakor" – "Atirau" (Qozog'iston) – 0:2
14 fevral | "Paxtakor" – "Pyunik" (Armaniston) – 1:1
Gol: Saidnurullaev.
19 fevral | "Paxtakor" – RFSH (Latviya) – 0:2
20 fevral | "Paxtakor" – "Petrokub" (Moldova) – 2:3
Gollar: Usmonov, Merk.
SHu tariqa, "Paxtakor" yig'inda birorta g'alabaga erishmadi. Maksim SHackix shogirdlari sakkizta o'yinda to'rt marta durang o'ynadi va shuncha marta mag'lub bo'ldi.
"Paxtakor" yig'inida shov-shuvli "arvoh uchrashuv" ham bo'lib o'tdi. 12 fevral kuni "sherlar" "Vorskla"ga qarshi maydonga tushdi, bir necha kun davomida bu o'yin haqida malumot yo'q edi. Biroq Ukraina klubi bu uchrashuv haqida xabar berdi, natija axborot saytlari bo'ylab tarqaldi va oxir-oqibat O'zbekistonga "uchib keldi". O'sha uchrashuvda "Vorskla" "Paxtakor"ni 6:0 hisobida mag'lub etgan bo'lsa-da, Ukraina tomoni amaldagi mamlakat chempioni safida yoshlar tarkibi maydonga tushirilganini ko'rsatib o'tmagan.
"Vorskla" o'rtoqlik o'yini o'tkazish iltimosi bilan "Paxtakor"ga murojaat qildi. "SHerlar" asosiy tarkib bilan o'ynashdan bosh tortdi, ammo ukrainaliklarga yoshlar jamoasi bilan sparring o'yin taklif qilindi. O'yin yopiq eshiklar ortida o'tkazilishi kerak edi. Klublar uchrashuv haqidagi malumotlarni elon qilmaslikka va albatta o'yindan videoni chop etmaslikka kelishib oldilar. "Vorskla" kelishuvni buzdi, biroq o'z press-relizida "Paxtakor" tarkibi haqidagi malumotni ochiqlamadi.
Murabbiylar shtabi va klub boshqaruvidagi o'zgarishlar
Dekabr oyi oxirida, 2023 yilgi mavsum yakunida darvozabonlar ustozi Denis Ivankov "Paxtakor"ni tark etgani malum bo'ldi. Uning o'rniga klubga mashhur sobiq darvozabon Pavel Bugalo keldi. Aynan u endi "Paxtakor"da darvozabonlarni tayyorlashga masul.
Klub rahbariyati va asosiy jamoa murabbiylar shtabida boshqa o'zgarishlar yo'q. Etiborga olishimiz mumkin bo'lgan yagona narsa – "sherlar" tarkibida uzoq vaqt bolalar va o'smirlar jamoalarida ishlagan murabbiy Dmitriy Anning "Paxtakor"dan ketishi. U asosiy jamoa bilan bevosita shug'ullanmagan, lekin ko'plab o'yinchilarni tayyorlagan. U "Navbahor"ga ishga o'tdi.
Boshqa malumotlar
"Paxtakor" texnik homiysi o'zgardi. Endilikda "sherlar" uchun forma va ekiripovkalar Adidas tomonidan tayyorlanadi. "Paxtakor" bungacha nemis kompaniyasi bilan uzoq vaqt hamkorlik qilgan, o'tgan mavsumda Puma bilan hamkorlik qilgandi. Biroq bunday hamkorlik faqat bir yil davom etdi. Aytish mumkinki, eski tanishlar yana birlashishdi – "Paxtakor" va Adidas.
"Paxtakor" prezidenti Jahongir Ortiqxo'jaev "Lolazor" podkastida o'tgan yilning kuzida jamoada qanday "sabotaj" sodir bo'lgani haqida gapirdi.
"Besh-olti nafar katta yoshli futbolchi sabotaj qildi. Menimcha, ular chempionlikdan charchagan. Keyin men klubdan ketishimni aytdim. SHundan so'ng uyimga 200 ga yaqin muxlislar kelib, qolishimni so'rashdi. Men ularga: "Yaxshi, lekin hammasi men aytganimdek bo'ladi", dedim. SHu kuni Maksim SHackix va Diyor Xolmatovni xonamga taklif qildim. Men SHackixga keyingi o'yinda Xolmatov sardor bo'lishi kerakligini, katta yoshli futbolchilar va ularning oila azolari buni tribunadan tomosha qilishlarini aytdim. Oradan 3 kun o'tib Diyor sardorlik bog'ichini taqib o'yinga tushdi. Tarkibimizda boshqa yosh futbolchilar ham bor edi. O'shanda "Turon"ni (3:0), keyingi turda "Buxoro"ni (1:0) mag'lub etgandik. SHundan so'ng men katta yoshli futbolchilarni chaqirib, ularga: "Ko'rdingizmi? Biz sizsiz ham o'ynay olamiz", dedim. Keyin ular o'zlariga kelishdi va jamoa yakunda chempion bo'ldi", – dedi Ortiqxo'jaev.
"Paxtakor"ning taxminiy tarkibi
Katta ehtimol bilan dastlabki turlarda "sherlar" tarkibi shunday bo'ladi:
Pavlyuchenko, Saitov, Pazildinov, Abdumajidov, Ortiqboev, Adhamzoda, Asqarov, Sobirxo'jaev, Xolmatov, Saidnurullaev, Abdumannopov (5-3-2).
SHaxzod Azmiddinovni "Paxtakor" himoyasida uzoq vaqt ko'rmaymiz (u aprel-may oylaridan ertaroq safga qaytmaydi). Muhammadqodir Hamraliev ham o'ynay olmaydi, lekin u Azmiddinovdan oldin qaytishi kerak. SHuningdek, Hojiakbar Alijonov hali 100 foiz tayyor emas.
Yig'inda Maksim SHackix hujumda yosh Saidumar Saidnurullaevga ko'p tayandi. Balki uni yangi mavsumda "Paxtakor"da bir necha bor ko'rarmiz. "SHerlar" safida Saidnurullaevdan tashqari ikki nafar sof hujumchi bor (CHeran va Xoldorxonov), shu bois SHackixja har qanday holatda ham tanlov kam. Ulardan tashqari garchi poziciyasi bo'yicha vinger bo'lsa-da, Doniyor Abdumannopov ham hujum markazida o'ynay oladi.
Umuman olganda, "Paxtakor"ning 2024 yilgi mavsum uchun tarkibi juda noodatiy va yosh ko'rinishda bo'ladi.
Nikolay Egorichev
Bosh sahifaga
179