Samvel Babayan boshchiligidagi "lochinlar" Vadim Abramov boshchiligidagi "yo'lbarslar"ga qarshi maydonga tushadi. Uchrashuv soat 18:00da boshlanadi.
"Navbahor" va "Dinamo" klublari hozirga qadar 50ta o'yin o'tkazishgan. 28ta uchrashuvda "lochinlar" zafar quchishgan. 13ta bahsda samarqandliklarning qo'li baland kelgan. Qolgan 9ta uchrashuvda durang kuzatilgan. O'zaro o'yinlardagi to'plar farqi "Navbahor" foydasiga 88:43.
"Dinamo" o'z tarixida hech qachon Namangandan g'alaba bilan qaytmagan. "Navbahor" o'z uyida 19 marta zafar quchgan, 6 marta durang qayd etilgan. Samarqand klubi so'nggi bor 2014 yilda Namangandan ochko bilan qaytgan, shundan keyin "Navbahor"ga qarshi kechgan 4ta safar uchrashuvining barchasida "Dinamo" mag'lub bo'lgan.
"Navbahor" yangi mavsumga qay darajada tayyorgarlik ko'rdi: klub OCHLni tark etdi, lekin terma jamoa futbolchilari bilan kuchaydi (mutolaa uchun)
Namanganda o'tgan oxirgi 5ta o'yin
09.10.2022 "Navbahor" – "Dinamo" 2:0
01.10.2019 "Navbahor" – "Dinamo" 1:0
26.08.2017 "Navbahor" – "Dinamo" 1:0
25.04.2015 "Navbahor" – "Dinamo" 2:1
07.11.2014 "Navbahor" – "Dinamo" 2:2
Hakamlar
O'yinni Rahimbek Karimov boshchiligidagi hakamlar boshqarib borishadi. O'tgan mavsum Karimov "Navbahor"ning 3ta o'yinida bosh hakam bo'lgan. Namangan klubi 2ta uchrashuvda g'alaba qozongan va 1ta bahsda yutqazgan. Ushbu hakam 2023 yil "Dinamo"ning bitta o'yinida ishladi va o'sha bahsda durang qayd etilgandi.
"NAVBAHOR" - "DINAMO"
1 mart 2024 yil. Namangan, "Markaziy" stadioni. 18:30
Bosh hakam: Rahimbek Karimov
Yordamchi hakamlar: Timur Gaynullin va Andrey Capenko
To'rtinchi hakam: Xushnud Suyunboev
VAR: Abdurashid Xudoyberganov
AVAR: Aleksandr Sidorov
Nazoratchi: Zokir Qodirov
Komissar: Diyor Xotamqulov.
Taxminiy tarkiblar:
"Navbahor": O'tkir Yusupov, Odil Hamrobekov, Jamshid Iskanderov, Ruslan Jiyanov, Filip Ivanovich, Jamshid Boltaboev, Abror Ismoilov, Yovan Jokich, Farruh Sayfiev, Asadbek Sobirjonov, Toma Tabatadze.
"Dinamo": Farhod Rahmatov, Dushan Miyich, Artyom Sokol, Odilbek Abdumajidov, Vladimir Kozak, Francis Narx, Ratino, Sanjar SHoahmedov, Hislat Halilov, Farruh Ikromov, Joel Kojo.
"Dinamo" yangi mavsumga qanday tayyorgarlik ko'rdi: o'z maydonida o'ynamaydigan jamoa naq 19 ta o'rtoqlik o'yinida qatnashdi, Gana va Braziliyadan legionerlar olib keldi
Bosh sahifaga
210