Unda Piter Xyuistra boshchiligidagi "Paxtakor" kichik 1-0 hisobida g'alaba qozondi. Ushbu uchrashuvdan so'ng "Nasaf" jamoasi katta murabbiyi SHuhrat Toshpo'latov fikrlarini bildirib o'tdi.
O'yin haqida
"Avvalo, "Paxtakor" jamoasini g'alaba bilan tabriklayman. O'yinga keladigan bo'lsak, yigitlarga katta rahmat aytaman. Bizga ozgina mahorat etishmadi. Uchrashuv davomida ko'p bor golga tortadigan vaziyatlar yaratdik. Himoyada biroz etiborni yo'qotishimiz natijasida gol o'tkazib yubordik. Bu mag'lubiyatdan keyin tushkunlikka tushish kerak emas. Bilasizlar, uch kundan keyin Qarshida yana "Paxtakor" bilan o'ynaymiz. Kerakli xulosalarni chiqarib, munosib tayyorgarlik ko'ramiz va g'alaba qozonishga harakat qilamiz".
- Ikki xil bo'lim ko'rdik. "Nasaf"ning zaxira o'rindig'i tor ekanligi tasirini o'tkazgandek ko'rindi. Bu borada fikringiz qanday?
- Birinchi bo'limda ham, ikkinchi bo'limda ham yigitlar harakat qilishdi. Goldan so'ng ozgina tushkunlik bo'ldi. So'nggi daqiqalarda juda qulay vaziyatdan foydalana olmadik. Yuqorida aytganimdek, mahorat etishmadi.
- Uchrashuv hakamlariga sizda etiroz bormi?
- Hakamlarni nazorat qiladigan qo'mita bor. Ularga etiroz bildirishga haqqim yo'q. Bizning ishimiz futbolchilarni tayyorlash.
- Jamoani etakchilar tark etgani hisobiga zaxira o'rindig'i toraygani sezildi. Mavsum davomida bu holat pand berib qo'ymaydimi?
- Hozirda yangi jamoa tuzyapmiz. Yoshlar tajriba to'plashi uchun ularni ko'proq o'ynatamiz. Boshqa ilojimiz yo'q.
- Mavsum startiga qadar tarkibni kuchaytirish uchun harakat qilinadimi?
- Yo'q, menimcha mavsumni qo'l ostimizdagi yigitlar bilan boshlasak kerak.
- Har mavsum oxirida etakchilar "Nasaf"ni tark etishi odat tusiga kirib qoldi. Ular olib qolinsa, 3-4 yil ichida raqobatbardosh jamoa shakllanarmidi...
- Bu rahbariyatga bog'liq holat. Bir nechta kuchli o'yinchilar xarid qilinsa, albatta, yaxshi bo'lardi. Lekin ilojimiz yo'q. SHu tufayli ko'rpamizga qarab oyoq uzatamiz.
Bosh sahifaga
275