O'yin haqida
- Albatta o'z maydonimizdagi ochilish o'yinida bu kabi g'alaba yoqimli. Bugungi uchrashuvga jamoa muxlislari ham juda katta tayyorgarlikni amalga oshirgan, buni barchangiz ko'rdingiz. Bugungi g'alabada muxlislarimizning ham alohida hissasi bor. Yigitlarga o'yin borasida etirozim yo'q, bunaqangi g'alabadan keyin etiroz ham bo'lmaydi. Futbolchilar barcha ko'rsatmalarni to'g'ri va aniq bajarishdi, standart vaziyatlarda ham yaxshi ishladik.
- "Bunyodkor" bugungacha mag'lub etilmagani haqidagi statistikadan xabardormidingiz?
- Ha, bundan xabarim bor edi. O'zaro o'yinlarimiz bilan bog'liq statistikalarni kuzatib chiqdim. "Bunyodkor"ga qarshi o'yinlardagi uzoq davom etgan qora anana bugun buzildi, bu albatta aytib o'tganimdek yoqimli.
- Jamoaga yangi taklif etilgan Zigurskiyga bir oz tezlik etishmayotgandek ko'rinayapti...
- U yosh futbolchi. O'yindan o'yinga o'sib, jamoaga moslashib boradi. Zigurskiyning imkoniyatlarini ko'rib, o'rganib chiqib jamoaga taklif etganmiz. Uning maydonda bajaradigan ishlari bor, zimmasiga ko'plab vazifalarni yuklaganmiz. Zigurskiy ko'rsatayotgan o'yindan qoniqish hosil qilayapman.
- Abduvohid G'ulomov bugun o'tgan o'yindan farqli tarzda boshqa poziciyada harakatlandi, buning sababi nima?
- Bizda qanot himoyachisi bilan bog'liq muammo bor. Ilhom Alijonov jarohat olgan va hozirda tiklanish jarayonini boshdan o'tkazayapti. SHuning uchun ham uning poziciyasida boshqa futbolchini o'ynatishga majbur bo'ldik.
Bosh sahifaga
87