Tur davomida ayrim natijalar, seriyalar, ananalar yangilandi. Quyida shu haqida batafsil.
- "So'g'diyona"ning "Metallurg" bilan uchrashuvlardagi g'alabasiz seriyasi 4 ta o'yinga etdi. Jamoa so'nggi bor 2022 yil Ulug'bek Bakaev boshchiligida bekobodliklardan ustun kelgandi.
- Ivan Boshkovich murabbiy sifatida so'nggi marotaba 2022 yil "Bunyodkor" boshqaruvida "Metallurg"dan 3 ochko tortib olgan edi (2:1).
- "Metallurg" mezbon maqomida 2021 yildan buyon raqibiga mag'lub bo'lmayapti (3 ta o'yin, 2 g'alaba, 1 durang).
- Bekobod jamoasi 1 yillik tanaffusdan so'ng chempionatning dastlabki 2 ta o'yinida ochko olishga muvaffaq bo'ldi. Jamoa so'nggi bor 2022 yil mavsumni 1 g'alaba va 1 durang bilan boshlagandi.
- "Paxtakor" 2 yildan buyon "Nasaf"ni mag'lub eta olmayapti. "SHerlar" oxirgi marotaba 2021 yil Piter Xyuistra murabbiyligida "ajdarlar"dan ustun kelgan (1:0).
- Maksim SHackix "Paxtakor" murabbiyi sifatida hali "Nasaf"dan 3 ochko tortib olishni uddasidan chiqqani yo'q, 5 o'yin, 3 durang, 2 mag'lubiyat.
- "Nasaf" Superligada ketma-ket 6 ta o'yindan buyon mehmonda taslim bo'layotgani yo'q. "Ajdarlar"ning mehmondagi so'nggi mag'lubiyati 2023 yilning 5 avgust kuni Yaypanda "Turon" bilan o'yinda yuz bergan.
- "Navbahor" ketma-ket to'rtinchi o'yinda OKMKni mag'lub etolgani yo'q. Samvel Babayan so'nggi bor Mirjalol Qosimovni 2022 yilgi mavsumda taslim qila olgan edi. "Lochinlar" olmaliqliklarga qarshi o'z maydonidagi so'nggi 5 ta o'yinda faqat 1 marotaba 3 ochko ishlashdi.
- OKMK 3 yildan so'ng Superliganing dastlabki ikki turida mag'lub bo'lmadi. Jamoa so'nggi bor bu vazifani 2021 yilgi mavsum startida amalga oshirgan edi.
- Sardor Rahmonov yubileyga yaqinlashdi. Himoyachi "Navbahor"ga qarshi OKMK libosidagi 149 uchrashuvida maydonga tushdi va 9-golini urdi.
- Toma Tabatadze "Navbahor" safidagi 22 o'yinida 10-golini urdi.
- "Andijon" o'z tarixida ilk bor "Bunyodkor" ustidan g'alaba qozondi. Bunga qadar o'tkazilgan 26 ta o'yinda "qaldirg'ochlar" 20 ta g'alabaga erishgan, 6 ta o'yinda durang qayd etgandi.
- "Burgutlar" tarixda birinchi marotaba "Bunyodkor" darvozasiga 2tadan oshiq to'p kiritishdi.
- "Andijon" 12 yildan so'ng Superligada "Bobur Arena"da raqibi darvozasiga 5 ta to'p kiritdi. Jamoa so'nggi bor 2012 yil o'z maydonida "Qizilqum"ni 5:1 hisobida enggandi.
- Bubanya "Andijon" tarkibida ilk bor Superligada gol urdi. Bubanya Superligadagi bundan oldingi so'nggi golini (4 yilu, 8 oy va 16 kun oldin) "Surxon" safida aynan "Bunyodkor" darvozasiga urgan.
- "Bunyodkor" 5 yildan so'ng Superligani ketma-ket 2 ta mag'lubiyat bilan boshladi.
- Toshkent klubi o'z tarixida birinchi marotaba Superliga startida darvozasidan 8 ta gol olib chiqdi.
- Usmonali Ismonaliev Superligada faoliyatidagi 1 qizil kartochkasini oldi.
- "Paxtakor", "Navbahor", "Nasaf"dan so'ng "Andijon" "Bunyodkor"ga 5 ta gol urgan 4-klub bo'ldi.
- Samir Jelkovich "Bunyodkor" tarkibida Samir Bekrichdan so'ng gol urgan 2-bosniyalik futbolchi bo'ldi.
- "Dinamo"ning Superligada "Neftchi" bilan to'qnashuvlardagi g'alabasiz seriya davom etadi. Samarqandliklarning 2017 yilgi g'alabasi so'nggisi bo'lib qolmoqda.
- Vitaliy Levchenko boshchiligidagi "Neftchi" 9 yildan so'ng Superligada "Dinamo" ustidan g'alabani tantana qildi. Jamoa so'nggi bor buni 2015 yilda uddalagandi.
- Abbos G'ulomov "Dinamo"ga qarshi "Neftchi" libosidagi 50-uchrashuvida maydonga tushdi.
- "Dinamo" Superligada 2017 yildan so'ng mavsumni g'alabasiz boshlamoqda. O'sha yili jamoa Superliganing 2 ta turida ketma-ket g'alabalarga erishgan edi.
- Superliganing 2-turida ham eng ko'p muxlis vodiyda bo'ldi. "Navbahor" - OKMK o'yinini 10 362 kishi stadiondan kuzatgan bo'lsa, "Andijon" - "Bunyodkor" o'yiniga 10 140 nafar muxlis tashrif buyurdi. Malumot uchun, 1-turda eng ko'p ishqiboz Namanganda kuzatilgandi ( 7 891 kishi).
Bosh sahifaga
191