"Championat.asia" sayti talqiniga ko'ra, 2-turning eng yaxshi darvozaboni - Abduvohid Nematov ("Nasaf").
"Nasaf" bu tur amaldagi chempion "Paxtakor" mehmoni bo'ldi va 0:0 hisobida durang o'ynadi. Uchrashuv davomida qarshiliklar posboni Abduvohid Nematov 5ta seyv ijro etdi va darvozasi dahlsizligini saqlab qoldi.
"Championat.asia" sayti talqiniga ko'ra, 2-turning eng yaxshi murabbiyi - Aleksandr Xomyakov ("Andijon").
"Andijon" bu tur o'z maydonida "Bunyodkor"ni qabul qildi. O'yin davomida "burgutlar" tezkor gol urishdi va keyinroq raqib 10 kishi bo'lib qolganidan so'ng ketma-ket gollar urib, yirik g'alabani tantana qilishdi - 5:1. "Andijon" o'z tarixida ilk bor "Bunyodkor"ni mag'lub etishning uddasidan chiqdi. SHu tariqa, Xomyakov 2-turning eng yaxshi murabbiyi deb topildi.
"Championat.asia" sayti talqiniga ko'ra, 2-turning eng chiroyli goli muallifi - Sardor Rahmonov (OKMK).
OKMK mazkur tur Namanganda "Navbahor" mehmoni bo'ldi. Uchrashuvning 18-daqiqasida o'ng qanotdan Ahmadaliev uzatgan to'pni hujumga etib kelgan Sardor Rahmonov boshi bilan O'tkir Yusupov qo'riqlayotgan darvozaga ajoyib tarzda yo'lladi va OKMK safardan 1 ochko bilan qaytishini taminladi. Aynan mana shu gol 1-turning eng chiroyli goli deb topildi.
"Championat.asia" sayti talqiniga ko'ra, 2-turning eng yaxshi futbolchisi - Bektemir Abdumannonov ("Andijon").
"Burgutlar"ning "Bunyodkor"ni taslim qilishida Bektemir Abdumannonovning hissasi katta bo'ldi. "Metallurg"ga kerak bo'lmay qolgan futbolchi "qaldirg'ochlar"ga qarshi uchrashuvning 7-daqiqasida qarshi hujumga o'tib, bir raqibni aldab to'pni sherigiga uzatdi va Zgurskiy hisobni ochdi. Taym so'nggida uning ikki marta burchakdan uzatgan to'plari gol bilan tugadi. Umuman o'yin davomida ham juda faol bo'lgan Abdumannonov Superliga 2-turining eng yaxshi futbolchisi deb topildi.
Bosh sahifaga
1371