- O'yin haqida...
- Pro liga starti bilan barchani tabriklayman. Raqibni yaxshi bilganimiz uchun ularga erkin o'ynashga imkon bermadik. Bugun g'alaba qozonishimiz ham mumkin edi, ammo so'nggi daqiqalarda yuzaga kelgan vaziyatlardan foydalana olmadik.
- Humoyun Murtozaev o'yin so'ngida qulay vaziyat yarata oldi, biroq raqib jarima maydoniga kirgach, yiqilishga bo'lgan ishtiyoq kuchayib ketdi. Bu haqda fikringiz qanday?
- Hujumchi oxirgi zarbani yo'llashni birinchi maqsad deb bilishi kerak.
- Legionerlarga oxirgi 10 daqiqada imkon berildi. Bu ular uchun kam emasmi?
- Ular ilk navbatda ko'nikma hosil qilib olishi kerak. "Qo'qon-1912"ga qarshi o'yinda himoyada ishonchli o'yinchilar kerak edi. Babatunde kabilar esa hujumkor o'yinchi, shu bois, ularga ikkinchi bo'limda imkon berishni reja qilgandik. Ular unumli foydalandi.
- O'tgan mavsum Petrov, Georgadze, Akromov, No'monov kabi futbolchilar yaxshi taassurot qoldirishgandi. Ularni boshqa jamoaga qo'yib yuborilishiga sabab nima?
- Kimningdir shartnoma muddati tugadi. Ularga boshqa jamoalardan yuqori maosh evaziga taklif bo'lgandi. SHu bois, ularni olib qolish qiyin edi. Petrovni esa klub sotish qaroriga keldi. Qolganlarni shartnoma muddati yakunlandi. "Qo'qon-1912" o'z oldinga yuqori maqsad qo'ygan. SHuning uchun, ular taklif qilgan mablag' ham yuqori edi.
- Bu yilgi mavsumdagi legionerlarning o'tgan yilgiga qaraganda saviyasi qay darajada farq qiladi?
- O'tgan yilgi bilan hozirgilarning poziciyalari farq qiladi. Yangi kelganlarning jismoniy holatini oshirishga harakat qilyapmiz. Ularda etarli o'yin amaliyoti bo'lmagan.
- Jamoa oldiga qanday maqsad qo'yilgan?
- Klub mavqeidan kelib chiqib, kurash olib boramiz. Bizda kam maosh olayotgan, etarli o'yin amaliyotiga ega bo'lmagan futbolchilar bor, biroq bu bizni qiziqtirmaydi, oxirigacha kurashamiz. O'tgan yilgi tarkibimizdan to'rt nafar futbolchi bizga qarshi o'ynadi. Biz grand jamoa deyishimiz to'g'ri bo'lmas. Yangi jamoani shakllantirish osonmas. Lekin Superligaga chiqish uchun kurashamiz.
- Yangi shakllangan jamoa siz kutgan o'yinni namoyish eta olishdimi?
- Quvontirgani, futbolchilarning oxirigacha kurashgani. Raqib biz kutgandek o'ynadi. Bo'shliqlarimiz bor. Mashg'ulotlarda ishlaganlarimizni maydonda to'liq bajara olmadik.
- O'yin qaydnomasiga Zoir Tursunov nega kiritilmadi?
- Zoir Tursunov ko'p vaqt jarohatdan tiklanish bilan mashg'ul bo'ldi. U 3 hafta avval mashg'ulotlarga qo'shildi. SHu bois, u tayyor emas, unga vaqt kerak.
- Superliga yo'llanmasi uchun kurashadigan jamoalar safiga "Qo'qon-1912"ni ham kiritasizmi?
- Albatta. "SHo'rtan", "Buxoro" kabi jamoalar nomdor o'yinchilarni yig'ib olishdi. Biroq, baribir, Superligada bu tarkib bilan kurashish qiyin.
Bosh sahifaga
599