Bu ikki klub hozirga qadar O'zbekiston chempionatida 38 marta to'qnash kelishgan. "SHerlar" hisobida 24 ta g'alaba bor, "temiryo'lchilar" esa 6 marta zafar quchishgan. Qolgan 8 ta bahsda durang qayd etilgan. O'zaro o'yinlarda "Paxtakor" 82 ta gol urgan va 32 ta gol o'tkazgan.
"Paxtakor" oxirgi o'zaro 8 ta uchrashuvdan buyon bu raqibga yutqazmayapti - 7 g'alaba va 1 durang. So'nggi marta "Lokomotiv" 2018 yilda "sherlar"ni taslim qilgan.
"Lokomotiv" o'z uyidagi oxirgi 4ta o'yinda bu jamoa darvozasiga umuman gol ura olmagan va g'alaba qozona olmagan: 1 durang va 3 mag'lubiyat.
"Lokomotiv" maydonida o'tgan oxirgi 5 ta uchrashuv:
23.05.2022 "Lokomotiv" – "Paxtakor" 0:2
20.11.2021 "Lokomotiv" – "Paxtakor" 0:3
29.11.2020 "Lokomotiv" – "Paxtakor" 0:1
30.11.2019 "Lokomotiv" – "Paxtakor" 0:0
26.11.2018 "Lokomotiv" – "Paxtakor" 3:2
O'zFHM mazkur bahsga Rustam Lutfullin boshchiligidagi hakamlarni tayinladi. Lutfllin 2022 yilgi "Paxtakor" - "Lokomotiv" uchrashuvida ham bosh hakam sifatida ishlagandi (2:0). 2020 yilgi "Paxtakor" - "Lokomotiv" (7:0) o'yinida zaxira hakami bo'lgandi.
"Lokomotiv" — "Paxtakor"
14 mart 2024 yil. Toshkent, "Lokomotiv". 18:45
Bosh hakam: Rustam Lutfullin
Qanot hakamlari: Ruslan Serazitdinov, Baxtiyorxo'ja SHavkatov
Zaxira hakami: Xushnud Suyunboev
VAR hakami: Aziz Asimov
AVAR hakami: Sanjar SHoyusupov
Nazoratchi: Baxtiyor Namozov
Komissar: Qudrat Madraimov.
"Lokomotiv" bu mavsumni o'z maydonida "Metallurg"ga qarshi o'yindagi durang bilan boshladi - 2:2. So'ngra Toshkent derbisida "Olimpik"ni 1:0 hisobida mag'lub etdi. "Paxtakor" esa ilk turda "Surxon"dan ustun keldi - 3:0. Keyin o'z maydonida "Nasaf" bilan murosa ko'chasi tanlandi - 0:0.
 Lokomotiv | Superliga. 3-tur 14/03/2024, 18:45 - : - Boshlanmadi |  Paxtakor |
Bosh sahifaga
358