Unda jamoa homiysi “Buxoro Agroklaster” MCHJ moliyaviy tomondan murakkab ahvolda ekanligi va bu o'z navbatida "G'ijduvon"ga tasir qilayotgani bayon qilingan.
"G'ijduvon" klubiga joriy yilning 17 yanvar sanasida O'FA tegishli qo'mitasi tomonidan transfer taqiqi qo'yilgan. U 10 yanvar sanasiga qadar barcha qarzdorlikni bartaraf etish masalasini hal qila olmadi. Klub PFLga yo'llagan xatida ayni vaqtda 600 million so'mdan ziyod qarzdorlik mavjud ekanligini ko'rsatgan. Uni bartaraf etish va qo'shimchasiga yangi mavsumda ishtirok etish imkonsiz hisoblanadi.
"G'ijduvon" 2013 yildan buyon Liga musobaqalarida ishtirok etib kelayotgandi. Klub o'z xatida 2024 yil tanaffusga chiqib, 2025 yildan musobaqalarga qaytmoqchi ekanligini malum qilgan. Biroq bu qanday asoslarga ko'ra amalga oshirilishi mumkinligi PFL uchun katta jumboq hisoblanadi.
"Yangier" Birinchi Ligada o'ynamaydi
Bosh sahifaga
364