Bu ikki klub hozirga qadar O'zbekiston chempionatida 46 marta to'qnash kelishgan. 26 ta o'yinda farg'onaliklar zafar quchishgan. 11 ta bahsda bekobodliklar g'olib bo'lishgan. Qolgan 9 ta uchrashuvda durang kuzatilgan. O'zaro o'yinlarda "Neftchi" 79 ta gol urgan va 41 ta gol o'tkazgan.
Farg'onadagi so'nggi 7 ta uchrashuvning faqat bittasida "Metallurg" g'olib bo'lgan (2017 yil). Bekobod klubi Farg'onadagi oxirgi 3 ta uchrashuvda umuman gol ura olmagan.
Farg'onada o'tgan oxirgi 5 ta o'yin:
29.07.2023 "Neftchi" – "Metallurg" 1:0
22.05.2022 "Neftchi" – "Metallurg" 3:0
24.04.2018 "Neftchi" – "Metallurg" 0:0
25.06.2017 "Neftchi" – "Metallurg" 0:2
01.07.2016 "Neftchi" – "Metallurg" 1:0
"Neftchi" dastlabki tur safarda "So'g'diyona" ustidan 2:1 hisobida g'alaba qozondi, 2-turda yana Jizzaxda "Dinamo"ni taslim qildi - 1:0. "Metallurg" ilk turda "Lokomotiv" mehmoni bo'lib durang o'ynadi - 2:2. Keyin o'z "uyida" "So'g'diyona" bilan murosa ko'chasini tanladi - 0:0.
"Neftchi" — "Metallurg"
15 mart 2024 yil. Farg'ona, "Istiqlol". 18:30
Bosh hakam: G'ayrat Jo'raev
Qanot hakamlari: Rasuljon Fozilov, Maksim Nexochin
Zaxira hakami: Umidjon Rahimjonov
VAR hakami: Akobirxo'ja SHukurullaev
AVAR hakami: Anvar Marajabov
Nazoratchi: Valentin Kovalenko
Komissar: Jahongir Rahmatullaev.
O'zFHM mazkur bahsga G'ayrat Jo'raevni bosh hakam etib tayinladi. VAR hakami sifatida Akobirxo'ja SHukurullaev ishlaydi. Etiborlisi 2022 yilgi "Neftchi" - "Metallurg" uchrashuvida ham aynan G'ayrat Jo'raev bosh hakam bo'lgan edi. O'shanda farg'onaliklar 3:0 hisobida g'alaba qozonishgan edi. Ushbu uchrashuvda "Neftchi" safida gollardan birini urgan Sirojiddin Qo'ziev bugungi kunda "Metallurg" safida o'ynamoqda.
 Neftchi | Superliga. 3-tur 15/03/2024, 18:30 - : - Boshlanmadi |  Metallurg |
Bosh sahifaga
131