Biroz oldin tur ramziy terma jamoasini taqdim qilgan bo'lsak, navbat tur laureatlariga.
Championat.asia sayti talqiniga ko'ra Pro ligada 1-turning eng yaxshi darvozaboni - Umidjon Hamroev ("Mashal").
Bu yil qishki transferlar vaqtida "Mashal" safiga kelib qo'shilgan Umidjon Hamroev ilk turdanoq o'zini ko'rsatishni boshladi. SHu kuni "Qo'qon-1912" jamoasi raqib darvozasi oldida bir nechta xavfli vaziyatlarni yaratdi. Muborakliklar posboni shu kuni juda ishonchli harakat qildi va bir nechta kuchli seyvlarni amalga oshirdi. Umuman bu turda darvozasini yaxshi qo'riqlagan kiperlar bir necha nafarni tashkil qildi. Yakunda Umidjon Hamroev tanlovida to'xtalindi.
Championat.asia sayti talqiniga ko'ra, 1-turning eng yaxshi futbolchisi - Mo'min Meliev ("Xorazm").
Jarohat sabab bir yilga yaqin vaqtni maydon tashqarisida o'tkazgan Mo'min Meliev yana katta futbolga qaytdi. Hujumchi qaytishini "Xorazm" safida gol bilan boshladi. "Olimpik Mobiuz"ga qarshi kechgan o'yinda uning yagona goli "Xorazm"ga mehmonda 3 ochko keltirdi.
Championat.asia sayti talqiniga ko'ra, 1-turning eng yaxshi murabbiyi - Ruslan Ahmedov ("Xorazm").
Pro liga jamoalari orasidan mavsumni faqat 2 ta jamoa g'alaba bilan boshladi. "Aral" uyda "Do'stlik"ni mag'lub etgan bo'lsa, "Xorazm" safarda "Olimpik Mobiuz"ni taslim qilishni uddasidan chiqdi. Ruslan Ahmedov shogirdlari mehmonda o'ynaganiga qaramasdan ishonchli harakat qildi va ortga yutuq bilan qaytdi.
Bosh sahifaga
220