Uchrashuvdan keyin qarshilik muxlislar o'yindagi hakamlik to'g'risida nolishmoqda. “Nasaf” ishqibozlarining asosiy etirozi o'yinning asosiy vaqtiga qo'shib berilgan 4-daqiqa yakunlanayotganidan ro'y bergan epizod bilan bog'liq.
O'sha vaziyatda “Nasaf” hujumchisi Husayn Norchaev raqib jarima maydoniga kirib bordi va Anzur Ismoilovni ortda qoldirish jarayonida maydonga quladi. Bellashuvni boshqarayotgan Vadim Agishev esa 19 yoshli futbolchining o'rnidan turishi kerakligini ko'rsatdi. Fanatlar fikriga ko'ra, o'sha vaziyatda 11 metrlik jarima zarbasini belgilamagan referi “Paxtakor”ning foydasiga qaror chiqargan emish.
“Dunyo bo'ylab” telekanali orqali efirga uzatilgan traslyaciyada tomoshabinda shunday taassurot paydo bo'lishi mumkin. CHunki tasvir faqat 1 tomondan ko'rsatildi (va juda xira edi). Quyida esa “Championat.asia” xodimi tomonidan tasvirga olingan lavhani tomosha qiling.
Guvohi bo'lganingizdek, maydon sirpanchiq edi. Husaynning oyog'i ortga qayrilish jarayonida sirpanib ketdi va yiqildi. Bundan tashqari, yosh hujumchi yiqilishni haddan ortiq istaganini ham ko'rsatib qo'ydi. CHo'chib ketgan Anzur ham o'zini maydonga otdi. Aslida “sherlar” himoyachisining qo'li “ajdarlar” forvardiga deyarli tegamgan edi.
(Yuqoridagi suratga etibor qarating. Bunday tarzda yiqilish uchun Norchaevning oyog'iga “kontakt” bo'lishi kerak edi)
Xullas, ushbu epizodda Vadim Agishev to'g'ri qaror chiqardi. (Uning o'rnida bo'lganimda hatto Norchaevning harakatlarini “simulyaciya” sifatida baholab, sariq kartochka ham ko'rsatar edim)
Ammo “o'yinda penalti qo'yilishi kerak edi” – degan muxlislarning fikrida ham biroz jon bor. Haqiqatan ham bor edi, ammo boshqa vaziyatda, boshqa jamoa darvozasiga.
O'yinning 72-daqiqasi o'tib borayotgan pallada Hojiakbar Alijonov to'pni jarima maydonchasi ichidagi Dragan CHeranga yuqorilatib oshirdi. Serbiyalik xavbek esa to'pni o'ziga bo'ysundirish jarayonida kichik texnik xatoga yo'l qo'ydi. Vaziyatga “Nasaf” himoyachisi Jo'rabek Mannonov aralashib, to'pni jarima maydonidan olib chiqdi. Quyidagi lavhaga etibor qaratsangiz, Jo'rabek qo'li yordamida to'pni o'ziga to'g'rilab olgani ko'rinyapti. Bu 100% penalti!
(Ammo takidlash kerakki, yuqoridagi tasvir juda ham sifatsiz. Agar futbolni rivojlantirishni, yuqoridagi singari bahsli holatlarni kamaytirishni istasak, translyaciya sifatiga ham imkon qadar ko'proq etibor qaratishimiz lozim)
Xullas, qarshilik ishqibozlarning penalti borasida Agishev manziliga yo'llayotgan noroziliklari butunlay assosiz deb hisoblayman. Aksincha, ular referiga tashakkur aytilari kerak...
Darvoqe, 10 mart kuni o'tkaziladigan “Nasaf” – “Paxtakor” o'yinida VAR tizimidan foydalanilar ekan. Umid qilamizki, Qarshidagi uchrashuvdan keyin bu kabi bahs-munozaralarga o'rin qolmaydi.
Faxriddin Ro'ziev
Bosh sahifaga
232