- Gonkongga qarshi kechgan g'alabani qo'lga kiritish qanchalik qiyin bo'ldi?
- Yaxshi o'yin o'tkazdik deb o'ylayman. Safardagi o'yinlar har doim qiyin kechadi. Ikki kun oldin borib, u erdagi iqlim va sharoitga ko'nikishingiz kerak. Kamchiliklar esa hamma erda bor. Gonkongga qarshi o'lchami kichik maydonda o'ynadik. Bu oson emas. Biroq hozir saralash bosqichida faqat g'alaba qozonishimiz kerak. Uch ochko bilan qaytdik. Kecha esa ertangi uchrashuvga tayyorgarlikni boshladik.
- Srechko Katanecning yo'qligi jamoaga qanchalik tasir qilishi mumkin?
- Murabbiy o'rni katta, ammo vaziyatdan kelib chiqib ishlashda davom etishimiz kerak. Bosh murabbiyning yordamchilari bor. Futbolchilar bilan birga murabbiy uchun ikki hissa o'ynaymiz. Menimcha bosh murabbiy o'yin davomida telefon orqali ko'rsatmalar berib tursa kerak.
- Gonkong terma jamoasining ustunlik tomonlari haqida gapirib o'tsangiz?
- Gonkong terma jamoasi asosan mahalliylashtirilgan futbolchilar bilan o'ynar ekan. SHuningdek, hujum davomida 4-5ta futbolchi qo'rqmay hujumga qo'shilishar ekan. Bu bir tomonlama bizga ustunlik beradi. Gonkongdagi uchrashuvda noqulay sharoitli stadion tanlanganidan xabaringiz bor.
- Ertangi uchrashuvda muxlislarning qo'llab quvvatlashi qanchalik muhim?
- Futbol muxlislar uchun o'ynaladi. Muxlislarning qo'llab quvvatlashi esa juda muhim, sababi terma jamoa vatan uchun o'ynaydi.
Bosh sahifaga
218