- O'yin haqida...
- Jamoamiz bugun qo'lidan kelgan barcha ishni qildi. Ikki bo'limda ham stabil o'yin namoyish etishga harakat qildik, biroq ikkinchi bo'limning dastlabki besh daqiqasidan so'ng o'yin tizginini qo'ldan chiqardik va O'zbekiston juda ko'p imkoniyatga ega bo'la boshladi. Biz yuqori pressing qilishimiz kerak edi, ammo raqib bu rejani buza oldi. O'zbekistonning kuchli o'yinchilaridagi mahorat uchrashuvda katta rol o'ynadi. Bugungi natija biz uchun yomonmas, deb o'ylayman. Biz harakat qildik. Raqibni juda kuchli deb etirof etish joiz.
- Gonkongga bosh murabbiy etib tayinlanganingizdan so'ng jamoaning natijalari yaxshilana boshladi. Hatto daraja jihatdan Xitoyga yaqinlashib qoldi. Bu Gonkongning progressiyasimi yoki Xitoyning degrataciyasimi?
- Qiyin savol. Men kelgach, jamoa kuchayishga erishdi, deb o'ylayman. Xitoy haqida hech qanday fikr bildira olmayman.
- Oxirgi ikki o'yin natijasiga ko'ra hafsalangiz pir bo'ldimi? Mazkur bahslarda jamoa qanday muammoga duch keldi?
- Jamoamiz o'yinidan judayam hafsalam pir bo'ldi. Ikki o'yinda ikki jamoaning darajasini ko'rgan bo'lsangiz kerak. Osiyo kubogida jamoani shakllantirishga harakat qildik va buni uddasidan chiqdik. Ammo oradagi vaqt darajamizni yo'qotishimizga sabab bo'ldi. Yana bir jihat, biz barcha o'yinchilarni bu erga olib kela olmadik. Bu ham natijaga tasir o'tkazdi. Gonkong kabi kichik futbol davlati barcha legioner o'yinchilari bilan O'zbekistonga kelganida, balki boshqacha natija bo'lardi. Biz ko'pgina braziliyalik o'yinchilarni olib kela olmadik. Bugun barcha shogirdimdan qoniqish hosil qildim. Natija adolatli bo'ldi, deb o'ylayman.
- Gonkong jahon chempionatiga chiqish imkoniyatidan mosuvo bo'ldi. Qaysi jihatlarni rivojlantirish kerak?
- Biz o'yindan-o'yinga kuchayib boryapmiz. Himoyamiz mustahkamlanib bormoqda, biroq bizni qiynayotgan jihat hujum tashkil etish bo'lib qolmoqda. Bugun O'zbekiston old poziciyalarda erkin o'yin namoyish etdi. O'ylaymanki, bir kun kelib biz ham shunday darajaga chiqa olamiz. Oldimizdagi vazifa — Osiyo kubogiga tayyorgarlik ko'rish.
- O'zbekistonga tashrif buyurgan gonkonglik muxlislar haqida fikr bildirsangiz...
- Gonkonglik muxlislarni bunday katta stadionlarda ko'rish yoqimli. Ularga nafaqat O'zbekiston, balki Eron, Butan va Qatar maydonlarida ham jamoani qo'llab-quvvatlagani uchun minnatdorchilik bildiraman. Bu bizga qo'shimcha kuch bag'ishlaydi.
- Gonkong joriy yilda xalqaro o'yinlarda ishtirok etish imkoniyatini boy berdi. Bu haqda qanday fikrdasiz?
- Biz ushbu davrda ham o'rtoqlik o'yinlari o'tkazishga harakat qilamiz. Biz o'zimiz tengi jamoalarga qarshi o'ynasak, kuchaya olamiz. O'zimizdan kuchli jamoalarga qarshi bahslarda rivojlanish kam bo'ladi.
Bosh sahifaga
75