Mavsum yakunlanishi arafasida "Benfika" futbolchisi Anxel Di Mariyaning o'zi ulg'aygan "Rosario Sentral" klubiga qaytishi haqida mish-mishlar ko'paymoqda.
Rosario shahri narkotik moddalar savdosi va jinoyatchilik bo'yicha yuqori darajadagi hudud hisoblanadi. Di Mariya o'z bayonotlarida giyohavand moddalar savdosi va zo'ravonlikni bir necha bor qoralagan. Bu esa bir necha yovuz niyatli kishilarga yoqmagan.
Yaqinda uning ota-onasi istiqomat qiladigan hudud yonida to'rtta o'q ovozi eshitilgan hamda futbolchining otasiga jinoyatchilar tomon shunday mazmundagi xabar kelgan: "O'g'lingizga ayting, Rosarioga qaytmasin, aks holda uning oila azolaridan biri halok bo'ladi. Hatto Maksimiliano Pullaro (Sante-Fe gubernatori, tahririyat) ham sizlarni qutqara olmaydi. Kelasi gal qog'oz emas, qo'rg'oshin yuboramiz".
Eslatib o'tamiz, 36 yoshli futbolchining Portugaliya klubi bilan shartnomasi 30 iyun kuni nihoyasiga etadi.
Bosh sahifaga
146