"The Sun" nashrining yozishicha, stadion "Grand Stade de Casablanca" deb nomlanadi. Arena tribunalari 115 ming tomoshabinga mo'ljallangan bo'lib, bu JCH musobaqalarini qabul qilgan eng yirik stadion bo'ladi. Stadion Al-Mansuriya shahrida quriladi.
Marokashliklar ushbu stadion qurilishi orqali JCH-2030 finaliga mezbonlik huquqini qo'lga kiritmoqchi. SHuningdek, Ispaniya ham finalni Madrid yoki Barselonada o'tkazishga umid qilmoqda.
Eslatib o'tamiz, futbol bo'yicha jahon chempionati ilk bor uch qita va oltita davlatda o'tkaziladi. 2030 yilgi jahon chempionatidagi aksariyat o'yinlar Marokash, Ispaniya va Portugaliyada o'tkaziladi. Janubiy Amerikada uchta o'yin bo'lib o'tadi. Ochilish o'yini Urugvayda bo'lib o'tadi va unda mahalliy terma jamoa ishtirok etadi. SHuningdek, Argentina va Paragvay terma jamoalari ham ochilish o'yinlarini o'z yurtlarida o'tkazadi.
Bosh sahifaga
330