O'yin haqida
- Og'ir o'yin o'tishini bilardik. O'tgan turlardagi muvaffaqiyatsizliklar sabab bugungi o'yinda ochko olishimiz shart edi. SHu sababdan ham bugungi uchrashuvga o'ta jiddiy tayyorgarlik ko'rdik. Ko'rdingiz, raqib darvozasiga 2 ta gol urdik, biroq g'alabani saqlab qola olmadik. "Navbahor" ikkinchi bo'limda yuqoridan va uzun uzatmalar bilan xavfli hujumlar tashkil etdi.
- "Surxon"ning muvaffaqiyatsiz natijalariga sabab nima deb o'ylaysiz?
- Hozir Egor Krimec jarohat oldi. SHuningdek, ko'p futbolchilar yosh ekani sabab o'zaro tushanmovchiliklar ko'zga tashlanayapti. Haqiqiy fakt o'rnida aytib o'tishim kerak, yo'qotishlar bizga pand berayapti.
- "Surxon"ning endilikdagi maqsadlari qanday?
- Maqsadimiz hech bo'lmaganda o'tgan yilgi natijamizni qaytarishga qaratilgan. Bu albatta katta mehnat talab qiladi. Tinmay ishlashimiz kerak, hozir bizdagi asosiy vazifa mashg'ulotlarda astoydil ishlab ko'rsatayotgan o'yinimizni kuchaytirishdan iborat.
Masofa uzoq bo'lsa ham shuncha yo'l bosib kelib jamoamizni qo'llab-quvvatlab turgan muxlislarimizga minnatdorchilik bildiraman.
Bosh sahifaga
138