So'rovnomada Championat.Asia xodimlari, Transfermarkt portalining rus bo'limi vakillari va taklif etilgan ekspert ishtirok etadi. Bu safar ekspert sifatida O'zbekiston terma jamoasi sobiq darvozaboni Eldorbek Suyunov qatnashdi.
Mart oyida Superliganing eng yaxshi murabbyi deb «Andijon» ustozi Aleksandr Xomyakov tan olindi. U 65% ovoz oldi, uning eng yaqin taqibchisi (Aleksandr Stoymirovich «Lokomotiv») – 19% ovoz oldi. Xomyakov qo'l ostida «Andijon» chempionatning dastlabki 4 ta turida 2 ta g'alaba va 2 ta durang qayd etdi. 8 ochko to'plagan jamoa musobaqa jadvalining 2-pog'onasida bormoqda.
Superliganing mart oyidagi eng yaxshi futbolchisini aniqlash uchun o'tkazilgan so'rovnomada «Navbahor» hujumchisi Toma Tabatadze g'olib chiqdi. Gruziyalik hujumchi dastlabki 4 ta o'yinda raqiblar darvozasiga 6 ta gol urdi. Tabatadzega 35% ovoz berildi. Ikkinchi o'rinni (27% ovoz) «Andijon» hujumkor yarim himoyachisi Bektemir Abdumannonov egalladi, u 4 ta turda 4 marta golli uzatmani amalga oshirdi.
Bosh sahifaga
370