Turkiyaning "Fenerbaxche" klubi prezidenti o'rinbosari Erol Bilejik "Adana Demirspor"ga qarshi o'yin oldidan bayonot bilan chiqdi. Bilejik jamoaning 7 aprel kuni Turkiya Superligasi doirasida "Galatasaroy"ga qarshi bahsda ishtirok etishini malum qildi. Biroq u bellashuvda asosiy jamoa emas, balki "Fenerbaxche"ning U19 jamoasi maydonga tushishini takidladi.
Futbol musobaqasi qoidalariga ko'ra, jamoa o'yinni maydonda kamida 9 nafar o'yinchi bilan boshlashi kerak. O'yin davomida kamida 7 nafar futbolchi ishtirokida o'yin davom etishi mumkin. Agar jamoa tarkibida 6 kishi qolsa, o'yin hakam tomonidan to'xtatiladi.
Klub rahbariyatining malum qilishicha, jamoa 90 daqiqa o'yin o'tkazmoqchi emas. Ular qoidalarga binoan 9 kishi bo'lib maydonga tushmoqchi hamda 6 futbolchi qolgunga qadar harakat qilmoqchi.
Eslatib o'tamiz, "Fenerbaxche" safarda "Trabzonspor" ustidan g'alaba qozongach (3:2), mezbon jamoa muxlislari maydonga tushib ketishdi va g'alabani maydon markazida nishonlayotgan futbolchilarga tashlanishgandi. Natijada, klub Turkiya chempionatidan chiqib ketishi haqida xabarlar paydo bo'lgandi.
Bosh sahifaga
198