- O'yin haqida...
- Birinchi navbatda muxlislarga bizni qo'llab-quvvatlaganliklari uchun raxmat aytaman. SHuningdek, bugungi ajoyib g'alaba uchun jamoa futbolchilariga minnatdorchilik bildiraman.
O'yin haqida aytadigan bo'lsam, birinchi golni urdik, keyin ikkinchisini ham. SHundan keyin hushyorlikni yo'qotdik, bazi vaziyatlarda xotirjamlikka berildik. Zaxiradan yangi kuchlarni maydonga tashladik, kuchga to'la futbolchilar o'yinimizni yanada kuchaytirishi kerak edi, biroq unday bo'lmadi. Markazni boy berib qo'ydik. "Lokomotiv" juda yaxshi shakllanib borayotgan kuchli jamoa. Balki ular o'yinning oxirigacha kurashganliklari bizga pand bergandir.
Umumiy aytadigan bo'lsam, bugun ko'rsatgan o'yinimizdan qoniqdim. Yigitlarga rahmat.
- Zaxiradan o'yinga qo'shilgan futbolchilar jamoa o'yinini kuchaytirib yubormayapti. "Surxon"ga qarshi uchrashuvda shu kabi holat ko'ringandi. Buning sababi nimada?
- Zaxiralarni avvaldan tayyorlangan reja asosida amalga oshiramiz. To'g'ri aytdingiz, "Surxon" bilan o'yinda ham zaxiralardan so'ng jamoa o'yinida pasayish kuzatildi. Balki bu hisob bilan bog'liq xotirjamlikdir. Bu borada ishlaymiz.
- "Andijon" mavsumni juda yaxshi boshladi. "Bunyodkor"ni yirik hisobda mag'lubiyatga uchratdi, "Nasaf"dan ochko oldi. Bugun ham g'alabaga erishdi. Sizningcha, ushbu barqarorlik qancha muddat davom etadi? CHunki, ikkinchi davrada jismoniy xolat asosiy jihatga aylanib qoladi, bilasiz...
- Kamchiliklarimiz yo'q emas. G'alabalarga erishayapmiz, hozir endigina 5-tur. Oldinda uzoq mavsum bor. Barcha jihatlarni hisobgv olamiz. Jamoa tarkibida sifatli o'yin namoyish etadigan futbolchilar bor. Biz o'yinlar davomida kuchayib borishimiz kerak. Hozir chempionat yakuni haqida oldindan biron fikr aytib bo'lmaydi. Ishlashda davom etishimiz zarur.
Bosh sahifaga
174