Birinchidan, agar hakamlarning korrupcion holatlarga aralashgani rost bo'lsa, unda ularga nisbatan jinoiy ish ochildimi?
Bu haqda O'FA tegishli tergov organlarini ogohlantirdimi?
Axir korrupciya kichkina jinoyat emas, “biz o'zimiz qulog'ini tortib qo'yamiz” deydigan.
Korrupciyaga qarshi kurashish agentligi bu bo'yicha biror bayonot beradimi?
Ikkinchidan, agar o'sha hakamlar o'yin natijasiga tasir qiladigan qarorlar chiqarish uchun kelishgani isbotlangan bo'lsa, unda o'sha hakam bilan kelishib, “soqqasini bergan” futbol klubi masullariga javobgarlik yo'qmi?
O'sha o'yin natijalari bekor qilinib, hakamni o'ziga og'dirgan jamoaga mag'lubiyat yozilmaydimi?
Kelishilgan o'yinlar natijasi bekor qilinishi ortidan turnir jadvallariga o'zgarish kiritilmaydimi?
Xuddi Italiyadagi kabi kelishilgan o'yinlarga aralashgan futbol jamoalarining o'zi jazolanmaydimi? 2006/2007 yilgi mavsumda Italiya futbolining eng yirik vakillaridan biri bo'lgan “Yuventus” jamoasi kelishilgan o'yinlarga aralashgani uchun “B” seriyaga tushirib yuborilgan edi. Bizdachi? Bizda kuchimiz faqat hakamlarga etadiyu, klublarga kelganda jazolashning o'zbekona metodi bo'ladimi?
Yoki hakamning pora olgani anig'u, lekin kimdan olganini aniqlab bo'lmay qoldimi?
SHu savollarga kimdir javob bersa, xursand bo'lardik, - deb yozadi Xushundbek Xudoyberdiev telegramdagi o'z kanalida.
"O'FAning bugungi bayonoti bo'yicha ayrim savollar bor"
/ Kiritdi: BestMaster O'qilgan: 164
Bosh sahifaga
295