"CHelsi" bosh murabbiyi Maurisio Pochettino MYUga qarshi qayd etilgan dahshatli kambekdan so'ng, ilk marta muxlislar bilan iliq aloqani his qilganini malum qildi.
"Bugun men baxtliman. Nafaqat uch ochko, balki MYUdan yaxshiroq o'ynaganimiz uchun baxtiyorman. "CHelsi"ga kelganimdan beri birinchi marta muxlislar bilan bog'liqlikni his qildim.
Men boshqa klubdan kelganman. Muxlislarning ishonchiga sazovar bo'lishim kerak. Bu normal narsa. Bu erga kelishdan oldin o'z obro'mni o'rtaga tikdim, chunki jamoa yosh edi.
Boshida aytgandim, muxlislarga yoqish uchun klub logotipini o'pmayman. Mening maqsadim – g'alaba qozonish va jamoa o'rtasida yaxshi aloqalarni shakllantirish. Ikkiyuzlamachilik qilib, muxlislarni yoqtirishimni aytmayman. CHunki yaxshi aloqalar uchun vaqt talab qilinishini aniq.
Hissiyot bu maydon chetida doim ahmoqona qiliqlar qilish emas. Men bunday emasman. Bizda Evropadagi eng yosh jamoa bor, men ularga yordam berishim kerak. Men masxaraboz emas, bosh murabbiyman. Agar kimgadir masxaraboz kerak bo'lsa, o'zi topib olsin", -deydi Maurisio Pochettino.
Bosh sahifaga
108