"Championat.asia" sayti talqiniga ko'ra, 4-turning eng yaxshi darvozaboni - Umidjon Hamroev ("Mashal")
"Mashal" bu turda o'z maydonida "SHo'rtan"ni qabul qildi. Qashqadaryo derbisida Asror Aliqulov shogirdlarining qo'li baland keldi. SHu kuni g'uzorliklar ham mezbonlar darvozasi oldida bir nechta xavfli vaziyatlarni yaratdi. Lekin ularning golga aylanishiga "Mashal" posboni Umidjon Hamroev yo'l qo'ymadi va bir nechta seyvlarni amalga oshirdi. Malumot uchun, "Mashal" joriy mavsumda hali o'z darvozasidan gol o'tkazib yuborgani yo'q.
"Championat.asia" sayti talqiniga ko'ra, 4-turning eng yaxshi futbolchisi - Izzatilla Qutiboev ("Aral")
2004 yilda tug'ilgan Izzatilla Qutiboev bu yil "Aral" safida o'zining chaqqon harakatlari, individual sifatlari bilan ajralib turibdi. Futbolchini "Olimpik Mobiuz"ga qarshi kechgan o'yinda hech kim to'xtata olgani yo'q. U raqib darvozasini ishg'ol qilishdan tashqari jamoadoshlarining 2 ta goliga assistentlik ham qildi.
"Championat.asia" sayti talqiniga ko'ra, 4-turning eng yaxshi murabbiyi - Muhsin Nizomiddinov ("Qo'qon-1912")
"Qo'qon-1912" Farg'onada turnir jadvali peshqadami "Xorazm"ni qabul qildi. Qiziqarli kechgan uchrashuvda Muhsin Nizomiddinov shogirdlari yirik hisobdagi (3:0) g'alabani tantana qildi. Saytimiz talqiniga ko'ra, aynan Nizomiddinov turning eng yaxshi murabbiyi sifatida tan olindi.
Bosh sahifaga
200