O'yin haqida
- Bizning maqsadimiz kubok doirasidagi har bir uchrashuvda yosh futbolchilarga tajriba to'plashlari uchun imkoniyat yaratib berish. O'yin borasida aytadigan bo'lsam, yigitlar harakat qilishdi. Tajriba borasida "Lokomotiv" ustun ekanligi ko'rinib turdi. Mezbonlarni g'alaba bilan tabriklayman.
- Futbolchilaringizni harakatlaridan qoniqish hosil qildingizmi?
- Aytib o'tganimdek, yigitlar kuchli raqibga qarshi qo'rqmasdan harakat qilishdi. Jamoamiz yosh, shu kabi o'yinlar orqali tajriba to'playmiz. Qaerdadir bir qadam etmay qolayapti. Ishlaymiz, ishlashda davom etsak, vaqti kelib natija o'zi keladi.
- O'yindagi yagona gol penaltidan kiritildi. Bu haqida fikringiz qanday?
- Hakamlar qarorini ko'rib chiqadiganlar bor. Biz muhokama qilmoqchi emasmiz. Vaziyat takrorini ko'rib chiqqanimiz yo'q.
- Muxlislarga malumot o'rnida, bu jamoa avvalgi "Zomin" emas, shundaymi?
- Ha, shunday. Hozir mutlaqo boshqa, yangi klub tuzilgan. Lekin uy uchrashuvlarimizni "Zomin" stadionida o'tkazamiz.
- Kubokda guruhdan chiqish vazifasi bormi?
- Biz ko'proq tajriba to'plashni maqsad qilganmiz. Ko'rdik, Superliga klubiga qarshi o'ynay olar ekanmiz. Hech bir jamoa yutqazish uchun maydonga chiqmaydi. Birinchi liga uchrashuvlariga ham jiddiy hozirlik ko'rayapmiz.
Bosh sahifaga
247