- O'yin haqida...
- SHuni aytishim mumkinki, o'yin biz uchun og'ir bo'ldi. Kubok uchrashuvlari favoritlar uchun xavfli bo'lishini bilardim. SHu bois biz bunga tayyorgarlik ko'rdik. Birinchi bo'limda kutganimdek o'z darajamizda o'ynay olmadik. Ko'plab texnik xatolar sodir etildi. Eng muhimi, xatolarimizni to'g'rilay oldik. O'ylashimcha, ikkinchi bo'lim yomon o'tmadi. Aksincha, shogirdlarim men istagandek vaziyat yaratib, raqib darvozasini ikki marotaba ishg'ol qildi. Eng muhimi, yaxshi shakllangan jamoani mag'lub eta oldik. Bunday raqibga qarshi kurash oson bo'lmadi, shu bois, o'yindan ko'nglim to'ldi.
Guruhdan chiqish oldimizda turgan eng muhim vazifa sanaladi. Men o'z futbolchilarim bilan birga yaxshi o'yin namoyish etgan qo'qonliklarga ham minnatdorchilik bildiraman.
- Siz yoshlar bilan yaxshi ishlaysiz, boshqa murabbiylar bundan o'rnak olishi kerak. Siz boshqa jamoalardan yosh talantlarni to'plashda davom etishingiz lozim. Jizzax jamoasi bir vaqtlar O'zbekistonda ajoyib o'yinlari bilan yodda qolgan. O'ylaymanki, tez orada jamoa nufuzini o'sha darajaga olib chiqa olasiz. Savolim: bugun nega Lyupcho Doriev va yosh Muhammadyusuf Sobirovga imkoniyat taqdim etilmadi? Ular ham o'ynasin.
- Kattalar futbolida, ilk navbatda, natija talab qilinadi. Ixtiyorimda juda ko'p yoshlar bor, lekin men tarkibni hamisha o'yinchilar sifatiga qarab tanlayman. Mashg'ulotlarda kim o'zini ko'rsata olsa, o'sha maydonga tushadi. Men hamisha aytib kelganman, yosh va yoshi katta degan tushuncha yo'q, aksincha, sifatli va sifatsiz darajadagi o'yinchilar mavjud. Men tarkibni shu tariqa aniqlayman. Lekin, albatta, yoshlar bilan ishlash osonroq. Sababi, uzoq muddat ichida o'sishi va rivojlanishi mumkin, bu bazida sabr talab etadi. Yoshi katta o'yinchilar esa yuqori darajasiga chiqib bo'lgan va ulardan ortig'ini kutish qiyin. SHu bois, mening tasavvurimcha, natija yomon bo'lmayapti. Menimcha, bu usul nafaqat "So'g'diyona", balki O'zbekiston terma jamoasi uchun foydadan holi emas. CHunki bu yoshlar o'zlarini ko'rsatib, kelgusida O'zbekiston terma jamoasida to'p tepishi mumkin. Men Muhammadyusufni ham o'zim taklif qilganman, u "Bunyodkor"da ishlagan kezlarimda yaxshi taassurot qoldirgan. SHunchaki, raqobat sog'lom bo'lishi kerak. Ehtimol, unga ham imkoniyat taqdim etilishi mumkin.
Bosh sahifaga
138