2008 yilgi Olimpiya o'yinlari 6-23 avgust oralig'ida Pekinda o'tkazilgan. Bunda ham sportning futbol turi bo'yicha 16ta jamoa ishtirok etgan. Osiyoga doimgidek uchta yo'llanma berilgan va bu yo'llanmalar Avstraliya, Janubiy Koreya va Yaponiyaga nasib etgan.
Argentina - chempion!
2004 yilgi Afina Olimpiadasida Argentina finalda Paragvayni engib chempion bo'lgandi, oradan to'rt yil o'tib oltin medallar yana Argentinaga nasib etadi. Bu safar Messi yurtdoshlari musobaqaning hal qiluvchi final o'yinida Nigeriyadan ustun kelishgan.
Argentina o'z guruhida Kot-D'Ivuar, Avstraliya va Serbiyani ortda qoldirib, chorak finalda Niderlandiya, yarim finalda esa Braziliyani mag'lub etgan. Mana shu o'yin 3:0 hisobida yakun topgan bo'lib, Serxio Aguero o'z hisobiga ikkita, Xuan Roman Rikelme esa bitta gol yozib qo'ygan.
Finalda Argentina - Nigeriya bahsi o'tkazilgan bo'lib, bunda Anxel Di Mariyaning yagona goli argentinaliklarga bosh sovrinni taqdim etgan. Bronza medallar uchun kurashda Braziliya Belgiyani 3:0 hisobida mag'lub etgan.
SHu yili Argentina safida Ezikiel Garay, Pablo Sabaleta, Fernando Gago, Ever Banega, Xuan Roman Rikelme, Anxel Di Mariya, Xaver Maskerano, Lionel Messi, Serxio Aguero kabi keyinchalik jahon yulduzi darajasiga ko'tarilgan futbolchilar oltin medallarga ega chiqqan.
Osiyo qanday natija ko'rsatgan?
Yuqorida Pekin-2008 Olimpiya o'yinlarida Osiyodan uch jamoa qatnashganini aytib o'tdik. Avstraliya o'z guruhida 1 ochko to'plagan bo'lsa, Nigeriya, Niderlandiya va AQSHga qarshi bahs olib borgan Yaponiya har uchala bahsda mag'lub bo'lgan. Janubiy Koreya esa guruh o'yinlarini Italiya, Kamerun va Gondurasga qarshi o'tkazib, 4 ochko bilan qolib ketgan.
Osiyo saralashi
Osiyoda saralash uch formatda o'tkazilgan bo'lib, O'zbekiston olimpiya terma jamoasi ilk bor uchala bosqichda ham ishtirok etgan. SHuni aytish lozim, Pekin-2008 yo'lida Olimpiya terma jamoamizga Vadim Abramov murabbiylik qilgan. Vakillarimiz birinchi bosqichda Tojikistonga qarshi maydonga tushib, har ikkala o'yinni o'z foydamizga hal etganmiz.
07.02.2007. O'zbekiston - Tojikiston 4:1
Gollar: Sadriddin Abdullaev, 41. Anzur Ismoilov, 47, 48. Odil Ahmedov, 67.
14.02.2007. Tojikiston - O'zbekiston 0:2
Gollar: Anzur Ismoilov, 27. Marat Bikmaev, 90.
Har ikkala bahsda g'alaba qozongan futbolchilarimiz ikkinchi bosqichga yo'l olishgan. Ikkinchi bosqichda 24 terma jamoa to'rttadan 6 guruhga bo'lingan. O'yinlar uy-mehmon tarzida o'tkazilgan bo'lib, dastlabki ikki o'rinni egallagan jamoalar keyingi bosqichga yo'l olgan.
O'zbekiston olimpiya terma jamoasi o'z o'yinlarini Janubiy Koreya, BAA va Yamanga qarshi o'tkazgan va 12 ochko bilan Janubiy Koreyadan keyin ikkinchi o'rinni egallagan.
28.02.2007. O'zbekiston - BAA 2:1
Gollar: Nodir Qo'ziboev, 16. Marat Bikmaev, 42.
14.03.2007. Yaman - O'zbekiston 0:1
Gol: Azizbek Haydarov, 46.
28.03.2007. Janubiy Koreya - O'zbekiston 2:0
18.04.2007. O'zbekiston - Janubiy Koreya 0:1
16.05.2007. BAA - O'zbekiston 0:2
Gollar: SHavkat Salomov, 37. Farhod Tojiev, 49.
06.06.2007. O'zbekiston - Yaman 3:0
Gollar: Aziz Ibragimov, 56. Azizbek Haydarov, 64. Muzaffar Umrzoqov, 81.
Uchinchi bosqich
Olimpiada saralashining uchinchi bosqichida 6ta guruhdan chiqqan 12 jamoa qatnashgan. Jamoalar to'rttadan uch guruhga bo'lingan va guruh g'oliblari Olimpiada yo'llanmasiga ega chiqqan.
"A" guruhi: Avstraliya, Iroq, KXDR, Livan.
"B" guruhi: Janubiy Koreya, Bahrayn, Suriya, O'zbekiston.
"C" guruhi: Yaponiya, Qatar, Saudiya Arabistoni, Vetnam.
Achinarlisi shundaki, O'zbekiston OTJ uchinchi bosqichda birorta g'alabani qo'lga kirita olmagan. Vakillarimiz 3 durang va 3 mag'lubiyat bilan guruhda oxirgi o'rinni band etishgan. Uchinchi bosqichda yana Janubiy Koreya raqib bo'lgan va yakunda ular birinchi o'rin bilan Olimpiadaga yo'l olgan.
22.08.2007. Januyubiy Koreya - O'zbekiston 2:1
08.09.2007. O'zbekiston - Suriya 0:0
12.09.2007. O'zbekiston - Bahrayn 1:2
Gol: Sadriddin Abdullaev, 86.
17.10.2007. Bahrayn - O'zbekiston 2:0
17.11.2007. O'zbekiston - Janubiy Koreya 0:0
21.11.2007. Suriya - O'zbekiston 3:3
Gollar: Farhod Tojiev 61, penalti. Vagiz Galiulin, 63, 66.
SHunday qilib Pekin-2008 yo'lida uchinchi bosqichgacha etib kelgan olimpiya terma jamoamiz guruhda oxirgi o'rin bilan o'z ishtirokini tugatgan.
Bosh sahifaga
241